لي متـى قلبي أسيــرك
لي متى عيني تهـــلّ
لي متـى أبكي هجيـرك
وأنت يمي لك محــــل
أرتعــش اللــه يجـيـــرك
قلبـي اللي ما يمــــلّ
يشتكي قسـوة ضميـرك
كيف تخدعني وتحــــل
ما عطيت الـحب غيــرك
وأنت تجرح ما تمــــلّ
لا تقول لي ما أبي غيرك
الكـذب مـا يكتمــــل
يا عذابي ..
كيف أنا بقوى عذابك
لا صار فـي بعـدك عذاب
وفـي قربك عذاب
يا شبابـي ..
زيـنــة أيامي شبابـك
لك في حياتـي حساب
ونسيانـك حساب
صدقينـي لـو أبيّـن لك غـــــلاك
ما تصدق اذنك اللي تسمعـــه
طـال عمـري أو قصـر محدٍ سـواك
يفرح بشـوقٍ فـؤادي يـجمعـــه
بادلي قـلـبـي شعـوره في هـواك
حسّـسيـه إنك معه يا مطمعــه
ما أعتقـــد إن فيـه بالدنيا مـلاك
تشبـه لزولك تـصـور بأجمعـــه
حــار تفـكـيــر المـولـع في رضــاك
مستريـح البال لا صرتـي معـه
من سبب صدّك معرض للهـلاك
ناجي دمـوعٍ عيونـي تدمعـــه
وين انت قبل اللي مضى سنينـي
يـا مسعـدٍ باقـي حـيـاتـي بـالأفــراح
ما قـول قبلك في حيـاتي ضنينـي
ولا نيب مع غيرك من الناس مرتــاح
حتى فرحـك ارهب شقاي الدفيـنِي
ومنـك السعادة بدّدت هـاك الأشبـاح
سلمـولي على الغالي سلامٍ كـثيــــر
وأخبروه إني أسهـر لين يبدأ الصبـاح
دمعة العين عقبـه بالمحـاجـر تـحيــــر
ما تـجـيـه عيوني كود عند الـمــراح
ليت لي يا هوا بالي جنـاحٍ وأطـيـــر
البلى إني عليـك أكفخ بليّـا جـنــاح
ودي تشوف الهم وشلون ســـوّى
بحـال من حبك على غيـر مصلــــوح
جرحتنـي جـرحٍ جديـدٍ تلـــــوى
على خفـوقٍ منـك بالحيـل مـجــروح
سويت فينـي شئ مـا ينتســوى
وأقـول يا سيــد المماليــح مسمــوح
ليتـــك بـزلاتـك عـليّـه تـــــروى
يـوم أن حبي لـك مـن الـروح للـروح
منك وعليك الهم من وين ما اروح
يمشي معي يا شاغلي مثل ظلي
انا حياتي بالهوى كلها نوح
تشرب ظنوني هم واقول علي
أغلى الجروح اللي بها منك مجروح
الله يا حبي لجرح التغلي
لي في عذاب الحب رحمة ومصلوح
عذابك ارحم من نعيم مولي
حبك عذاب الروح ويونس الروح
مستوليٍ حبك على كل كلي
اصمت ويظهر منك في صمتي البوح
ملامحي منها جليسٍ فطن لي
العضو الأكثر نشاطاً هذا اليوم 
العرض الشجري
