[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
حسبت رفقة صاحبي بالدلافـــــيــــــن=واثريه حية لابده تحت تـــبــنــــــــــه
وياشين من رجله تدوس الثعــابيــــن=مايدري إنه ساقته يـــم دفـــــنــــــــه
والمشكلة لامن نخيت العزيـــزيــــــن=وقام يتذمر كنها فيك حــــقــــنـــــــه
هذا زمان ٍ فيه قلب الــموازيـــــــــــن=اللي بدقن مثل الذي شال دقــنـــــــه
وين الرفاقه وين يامدعي ويــــــــــن=طالت على من ضامه الوقته سجنــه
ماعاد تنفع دامها صنعت الصيـــــــن=من عقب ماهي صنعت ارجال رزنه
الخوف من معبر طريقن بسيفيـــــن=والا ياعله تكمل اليوم حــــزنــــــــه
صار التشبه في طبوع الرديــيــــــن=وصار الولد يطلع على الخبل وزنه
يمكن تقول انه بقى فيه حيــــيـــــن=يمكن ولكن بالمخاليق حـفـــنـــــــه
راحوا ْ رجال ٍ ذكرهم بالدواويـــــن=راحوا ْ وكل ٍ نوخ الوقت هجنــــه
راحوا ْ رجال ٍ ينقلون الكسيريـــن=لوكان ميت مايخليه هـــدنــــــــه
افعالهم كانت تهز البـــراكيــــــــن=كانت يديهم كنها امطار مزنـــــه
لكن تساوت بدوها والمقيميــــــن=كل ٍ لبد حط الغضي وسط حضنه
العضو الأكثر نشاطاً هذا اليوم 
العرض الشجري
