ألفية أبناء الطنايا بالأمير / طلال الرشيد

12-20-2009, 08:49 PM

أنا وكلّي من دماء ونبـض وعـروق

والشوق إلاّ ما ألعنه قاسـي الشـوق

يا فوق يا قمّة سماء المجد يـا فـوق

نبغيك تكفـى يا (( سنود الرجاجيل ))

باقـي بكـل قلـوب شمّـر مقامـك

مجدك وراثه مـن خوالـك عمامـك

رحلت وعايش حـي فينـا إحترامـك

عهد عهد من روس شمّر هل الخيـل

توجّك جدك يا حفيـد (( الجنـازه ))

تـاجٍ ركيـز وشـاهـقٍ بالـركـازه

ورثـت صلفـات العلـوم الـعـزازه

ضـواريٍ لا طـوّحـن الهلاهـيـل

ثـارت علـى قلبـي قنابـل قويـه

مـن يـوم راح العـام ذاك الشفيـه

طــلال ماننـسـاه بالمهمـهـيـه

طيبه رجل وأطيـاب غيـره تماثيـل

جهايـم التاريـخ والصحـف كـلّـه

وأجبـال حايـل خاجلـن منـه ظلـه

ترسمـك فـي در القوافـي وجـلـه

حتى اللحون اليـوم غنّـت مواويـل

حامـت تفاكيـر المخيـخ العصامـي

واحتـارت حروفـي وتعـلا مقامـي

يا شيخ اسمك غيـر كـل الاسامـي

تهليل في ذكـر البطـل جـر تهليـل

خمر المحابر مسكنـه فـي حروفـك

الشعر كلـه ساكـر ٍٍ فـي وصوفـك

والقاف غـرد فـي أوامـر كفوفـك

ناخذ علـى بستـان شعـرك تعاليـل

دايـم وحنـا للشعـر نـور قــدّاح

وشعر الحزن بحروفنـا يالعـرب لاح

طلال عقبـك شعرنـا كلـه جـراح

مرحـوم عـز مقلّطيـن المعامـيـل

ذابت غصون الشعر والنظم والقـاف

والطيب والشيمه وشذرات الأسيـاف

لكن عزانا عقبكم شوف (( نواف ))

مثلك فقيـده يـا عضيـد المشاكيـل

رحلت ..لكن داخـل القلـب موجـود

أذكر معاك الطيب والمجـد والجـود

ياطيّـب المنشـا وياطيـب الـعـود

ريف الضعيف اللي رمتـه البهاذيـل

زرعت طيب وطيبـك اليـوم وافـي

انا اشهـد انـك بالمواقـف سنافـي

يـارب يـارب المخالـيـق كـافـي

عذبتنـا بفـراق شيـخ التنافـيـل

سلام مـن قلبـن تنابـض عروقـه

من هاجسن كـن الهبايـب تسوقـه

لامن ذكرت الشيـخ كثـرت ابروقـه

ويعيضنا نواف فـي غيبـت سهيـل

شلفـا كـرم شمـر تعانـق يمينـه

هـو راسهـا وارثـه مـن والدينـه

نبـراس عـز المرجلـه والسمينـه

مدهال عن كـل الصلـوف المداهيـل

صعب الرّثى ياهل الوجيـه السفيـره

وشلون ابرثـي راس كـل العشيـره

أرثي نسـل حكّـام شبـه الجزيـره

بدمـوع ماتنفـع معاهـا منـاديـل

ضاقت بنا الدنيا علـى اللـي فقدنـاه

عز الضياغم طيب الصيـت والجـاه

مرحوم ياشيـخ(ن) ابـد مانسينـاه

ماغرتـه جملـة رجـال(ن) مهابيـل

طـلال عقبـك كـل شيّ(ن)تـدمّـر

كان الامل بك ترجّـع امجـاد شمّـر

ماللسـروج ارجـال والخيـل ضمّـر

يصحا العمي في ليل واينام فـي ليـل

ظلما وأحس الوقت في فقـدك الظلـم

من دون رسمك صارت أمجادنا حلـم

يا شهم صيتك صيت واسلومك السلم

صرنا نشيل ( الحظ ) والحظ ما شيل

عديت فـي روس الجبـال النوايـف

طـلال مامثلـك بـكـل الطـوايـف

سليل مجد اهل السيـوف الرهايـف

سليل اخـو رثعـه نطيـح المقابيـل

غاب الفرح والبـال والفكـر حايـر

وعـن المشاعـر جاوبـن العباايـر

غبر سمانـا مـن غبـار الجزايـر

راح الفقيـد وبـرد الحـال والحيـل

فقت الوصوف اوصوف يا طيب الفال

بسمك معاني المجد والمجـد يختـال

لو انخلق مثلك على الكـون رجـال

صارت لنا الدنيـا بيـاض وتساهيـل

قالوا توفـى الضيغمـي وراح عنـا

طـلال ابـو نـواف موتـه حـزنـا

وعـز الله انـه هـو فقيـده وطنـا

راع الشرف والجود والوزن والكيـل

كـف الصخـا بيـن البرايـا دلايـل

ياكافـل أيتـام وضعـاف وعـوايـل

دايم علـى أهـل الحوايـج تسايـل

معروفكم يجري كما يجـري السيـل

لبس الفخر ماهو مثـل باقـي الخـام

لك من ملابيس الصطا تـاج ووسـام

تبقى علم لو تنتكـس كـل الأعـلام

والموت مايمحـي علـوم الحلاحيـل

مديـت كفـك للنشامـا وصافـحـت

وثبت فـي كـل المواقـف وكافحـت

تاقف معك شمـر ليامـن تنحنحـت

والله يابونـواف مـاهـي تماثـيـل

نـادة مناتـي مورّديـن القـوافـي

خلايـف نجيفـان مابـه خـوافـي

والاسلمي نزهـان والقـول ضافـي

سيرة (( طلال )) وجادوا القاف تمثيل

هـل يتـرك الغـدّار ولا يحـاسـب

من يقدر ايقـول الجـواب المناسـب

واللي يجاوب صح محسوب راسـب

هذا الصحيح ابكـل جملـه وتفصيـل

وافي ... سواء(ن) حي أو ميت وافي

لاشك معروفك على النـاس ضافـي

ولا زال سر الموت غامض وخافـي

ولابـد يظهـر للحقـايـق تدالـيـل

ياليت ليت وليـت ياليـت يـا ليـت

يا ليت لو أن المنـى يرجـع الميـت

كان لرجـوع اللـي فقدنـا تمنيـت

لكن قطفنا الياس قطـف المحاصيـل

شعراء الألفيــه :

أ / نزهـان الاسلـمـي

ب / مانـع الخريصـي

ت / نزهـان الاسلمـي

ث /الـمـطـنــووخ

ج / نزهـان الاسلـمـي

ح / ذيـب العـلاويـن

خ / تــاجالـحــلا

د / المهـره الاصيـلـه

ذ / الـــشــــراع

ر / الاديـــــــب

ز / علـوش الاسلـمـي

س / حمـود الشـمـري

ش / ذيـب العـلاويـن

ص / تركـيالطوالـه

ض / المهـره الاصيلـه

ط / صـلاح الاسلمـي

ظ / ذيـب العـلاويـن

ع علـوش الاسلـمـي

غ / مـرزوق الرمالـي

ف / الاجـــــودي

ق / مـرزوقالرمالـي

ك / راعــي الكـيـف

ل / الـــشــــراع

م / علـوش الاسلـمـي

ن / مشاركـه خارجيـه

هـ / صـلاح الاسلـمـي

و / الـــشــــراع

ي / مـرزوق الرمالـي