اعرف شخصيتك من سيارتك

السلام عليكم ورحمة الله وبركاته
فيه بعض الناس تعرف شخصيته من نوع سيارته
هذي بعض الارا منقوله من احد المواقع السعوديه
مادر انتو تصدقون هذه المقولات ولا لا
اذا كان عنى انا في بعض الارأ اوفقها بشده
واذا كان احد عنده راى يشارك فيه او اللى عنده معاره على راى يقول الراى اللى يشوفه
نبدا
اذا كان عندك .............
كابرس
شخص شديد و شعبي و تحب الفزعة و لا تحب الميوعة
مكسيما
طايش و متهور تظن أن معك فيراري عشان كذا دايما داعس على البنزين للآخر
التيما
نوعا ما انت نانعم دايم تمشط شعرك عند الإشارات
كريسيدا
مهبول و حق فرفشة و سعة صدر لكنك مخفة
مازدا
تحس دائما أن ودك توقف عند الأشجار ( بدافع غريزي كون أن معك بقرة) حلوه ذي
هوندا اكورد
مصدق نفسك أن سيارتك شخصية
بي أم دبليو
ياهووووووووه من قدك
كادليك
تفرح بالمطبات عشان تطامر
ددسن
تحس أن أسمك هيثم و ودك تشرب كابتشينو دايم حلووووووه ذي
لنكون
شعرك عرادة و تحب المعسل
شبح
ولد نعمة و شايف نفسك لكن أنصحك لا تجاكر اللي معهم بيامات تراهم ما يرحمون
لاند كروزر
فنان تطعيس واستعراض بس الأخلاق تجارية
هوندا سيفيك
مشغل نفسك كل يوم تغسلها و تلمعها
نيسان فتك
تحب الدخان وتحت تعطيه اول ثاني
سوبربان
تجمع عرابجة فريجكم عشان تدورون في الاند مارك وتزعجون خلق الله
كورولا
أكبر ما فيك رأسك و مع ذلك ما تستخدمه
سوبارو
رياضي و تحب المشاكل
سدرك
موسوس و بخيل
زد
مشبوه و عند كل نقطة تفتيش الله يعينك ....خاصه لو كان الزد قديم....
موستنق
تظن إن الناس تناظر و هي معجبة مع أنها في الحقيقة تتحمد عليك
جاكور
مسوي فيها أوروبي و أنت ما في راسك ما فيه شي
بيجو
فاهم الدنيا غلط عشان كذا اخذت البيجو
جمس
عصبي و مرجوج و قمة سعادتك أنك تحدد خلق الله
كامري
مقتصد في الفلوس بس مسرف في البربة و السواليف
لكزس 400
دايم مهدي و راز خشمك بس في النهاية ما معك إلا تيوتا
أودي
شكلك شخصية و ثقيل بس لين تكلمت خربت الشغلة كلها
ميركوري
شايف نفسك و مغرور
كراون
حبيب و هادي
كرايسلر
غثيث و بثر
انفنتي
رسمي مهتم بشكلك أكثر من عقلك
كابرس أس أس
خفيف دم و مجلسك ما ينمل منه
جيب شروكي
مجنوووووووووووون بر و سوالف
ستاندر عليه هدرز
تحب تدور عند المدارس
ايسوزو
مكروه من قبل الناس لأنك ببساطة كتمت أنفاسهم بالديزل
لكزس 300
أنيق و جذاب
كراون فكتوريا
مجنون كورة و تحب الفصفص
هونداي
مزعج خلق الله بالمسجل ...كن محد عنده مسجل غيرك
لومينا
وش حليلك بس المشكلة أنك متعصب بزيادة لناديك
الهايلكس
تحسب نفسك سواق وعندكل لفه فحطه
وهذا كل اللى عندى
باقي انتو اللى عنده راى جديد انا ما قلته يقوله
او اذا احد عنده تعديل على اللى انا قلته يقول
واسمحولى اذا كنت اهنت احد من دون ما اقصد ارجو السماح
لان هذي مجرد افكار مو حقيقه على كل الناس