.. الموهيم ..
اليوم باخذ فيكم جوله فيه عالم الجمال و الاناقه ولكن جمال و اناقه ثانيه ..
اناقة الكدش .. و اذكر لكم تعريفه و اشرح لكم انواع الكدش و وش يستفيد الي يحط كدش ..
نبدا بالدرس :
بس اول شي ارجو ان الجميع يكون صاحي معي لان الدرس مهم و اي خطا يمكن تروح فيها ان بغيت تحط لك كدش ..
اولاً :
تعريفه : الكدش هو شي يقعد فوق الراس و هو اشكال و الالون كثيره تختلف . و هو منتشر هالايام مرره . و انت ان شفت شي من بعيد و تحس انه شجرة عبري لا موب شجره هذا شخص كديشي " يعني مكدش " .
ثانياً :
انواعه :
للكدش انواع كثيره لا تحصى بس بذكر لكم كم وحده منهن :
1 / الانساني :
الكدش الانساني هو اكثر شي و الاشهر . و هو نوعين :
( أ ) ولادي :
و هو الكدش الي يحطونه الشنبات و هو ايضن ثلاث انواع .. حجم صغير و حجم وسط و حجم عائلي ..
- الحجم الصغير ..
و هو الي له سنتين او اقل .. مثل ما هو واضح بالصوره ادناه
- الحجم الوسط ..
هو الي من اربع سنوات الى سنتين .. مثل ما هو موضح بالصوره ادناه ..
- الحجم العائلي ..
و هو الي بحياته كلها ما قد دخل الحلاق .. مثل ما هو موضح بالصوره ادناه ..
( ب ) البناتي :
و هو الكدش الي يحطونه الجنس الناعم .. بس انه موب مشهور بينهم .. يعني شووين مرره .. و هو نوعين .. حجم وصغير .. و حجم وسط .. ما عندهم حجم عائلي لان تعرفون البنت لازم تسوي حركات بشعرها ..
- الحجم الصغير :
و هو الي من سنه الى 6 شهور .. كما هو موضح بالصوره ادناه ..
- الحجم الوسط :
و هو الي من سنه الى سنه و نص ..
2 / الكدش الحيواني :
و هو شوي مرره و نادر جداً و هو ثلاث انواع حجم وسط و حجم عائلي و نوع ما ادري وش يبي .. مثل ما هو موضح بالصوره ادناه ..
- الحجم الوسط ..
و هو الي من سنتين الى سنتين و نص .. كما هو موضح بالصوره ادناه ..
- الحجم العائلي ..
الي هو من ثلاث سنوات الى اربع سنوات . كما هو موضح بالصوره ادناه
اما النوع الي ما ادري وش يبي :
يمكن يكون غريب شوي .. هو كدش بس انه موب فوق الراس لا .. فوق الجسم .. مثل ما هو موضح ادناه ..
3 / الكدش النباتي :
و هو ينافس الكدش الانساني .. و هو يمكن صاحب الفكره .. لان على حسب ما قال الكاتب خوزيه انطونيو رونالد روزليندا السادس عشر في كتابه الشمس المشرقه ان شجره بـ البرازيل عام 1743 قبل الميلاد هي اول من اخترع الكدش . و هو حجم عائلي جدا جدا .
هذي صوره لـ حفيدة الشجره الي بالبرازيل التقطة عام 1872 و هي اخر شي من سلالة الشجره ..
4/ الكدش الالكتروني :
و هو نادر مره .. و هو نوع واحد بس .. حجم صغير .. كما هو موضح بالصوره ادناه ..
ثالثاً :
فوائده :
للكدش فوائده كثيره لا يمكن ان اسردها كل ابوها هنا .. بذكر كم واحد :
1 - تحمي الشخص من ضربات الشمس و خصوصاً ان هالايام حر مرره ..
2 - يمكن للشخض صاحب الكدش ان يخبى ممتلكاته الخاصه بالكدش ..
3 - يمكن الاستفاده من الكدش الالكترونين .. حيث ان كنت انت بالبر و ما عندك " اريل " ولا " دش " بامكانك ان توصل سلك من الكدش الى التلفزيون و تستمتع بالقنوات ..
4 - يمكن الاستفاده من الكدش اذا ما كان فيه ابراج للجوال يعني بالبر و المناطق البعيده .. حيث انك تجط الجوال عند الكدش و هو الكدش بيقوي الارسال ..
العضو الأكثر نشاطاً هذا اليوم 
.. و اذكر لكم تعريفه و اشرح لكم انواع الكدش و وش يستفيد الي يحط كدش ..
العرض الشجري
