غابت الشمس

غابت الشمس وتمادى في سما شمر ســـــــواد
واحزنت عطف العذارى والكواكب والنجوم

وارتدن سود الوشاح يوم ليل الهم ســــــــاد
وانكسا جو الطنايا من حزينات الغيــــــــوم

هاجت شعور المشاعر فوق عفوات الوساد
واستهاج جنون شعري واطلق عنان الهموم

وارتعش كف القوافي ماقوى علو الوكــــــاد
لين طوعت الاصابع قلتله مااحدن يــــدوم

اكتبن ثم اكتبن ياالاصابـــــــــع من سمـــــاد
واذرفن حبر المحاجر خاطري مافيه نــــــوم

عزن اللي لاانتخينا بأسمهن يوم العنـــــــــاد
مانهاب الموت نمشي باسمهن نكسر خشوم

ياعذارى ياعذارى يارعابيب الزهــــــــــاد
البقا لله واقفى من نــــشى ولد القــــــــروم

انتقل يم رحمة الله الامـــــير ابن السيـــــاد
الزعيم اللي يثنى بإسمكن وقت اللـــــــــزوم

ذاك اخو نورة حسايف مقفيـــــا ماعاد عاد
في ثرى نجد العذية ياحســــــافه مايقــــــوم

غابت الشمس وتمادى في سما شمر ســـــواد
البسن سود الملابس من وشاح ومن هدوم

للشاعر نزهان الشمري