و
وقفت لك ليل بين اوتار | صوت الرحيل
الين صاحت حناجرنا بليا ..صدى
طاحت عناقيد وصلك قبل حلمي يميل !
كن خطوتك تجدب بالغياب .. و بدا :
يرشف الحزن من صدري كثير | القليل
و يتهادى على خد الاماني : ندى !
قلت لك : ما يضيع الحلم .. بالمستحيل !
قلت لي : ضعت و احلامك حبيبي سدى
خطوتي لك مسافه | خطوتك الف ميل
و ان تغانم غيابك .. درب وصلك .. فدى
كنت اشوفك رغم انف الطريق الطويل
والحين .. كني عمى لوصالنا ما اهتدى
كـل ما ينتشي صبحي | بلياك ليل
و كـل ما طارت اوهامي .. ظلامي شدا
لك تغني عصافير وتراقص نخيل
ماتوا بـ غيبتك | شحّ وعتيم و ردى
ما عاد لي في وطن فرقاك ( صمت و مقيل )
بـ اختار لي بـ المنافي | صرختين و مدى
صوتي البارحه مُتعَب و صبري ذليل !
وجهي البارحه شاحب .. حنين ارتدى !
ليه عاجز الاقي في غيابك بديل !
و انت عادي بتلقى في غيابي حدا !
وقفت لك ليل .. بين اوتار صوتٍ الرحيل
و ابطيت اناديك لاشفتك و لا به صدى
و
و مسكين واقف لك
غنيت لك | صوّت لك
وينك؟
يذبحني المنفى
و انا انتظر وااافي
بـ اموت : بيدينك
و
وقفت احتريك .. و عذري الاحباب
لا ضاقت وساعي عطوني سما
راحت ثواني .. و الحزن جلباب
لبسته اعماقي .. و صدري عما !
طفل و يبي صدرك غدا .. مرتاب
وانتي معه .. طيف فقد هلا ارتما
و الحين يومه من غيابك شاب
عصاه ذكراك الحزينه .. لما؟
يكفي تعب .. راح اكثره بـ غياب
لامت ..وش فايدتك من الظما !
لمي حنايا .. دون ايّ عتاب
يا طفله شعور و حديث ودُما
وقفت احتريك .. و عذري الـ كذاب
و ضاقت على جفني .. وساع و هما
العضو الأكثر نشاطاً هذا اليوم 
العرض الشجري
