جدار الخوف

ألا يـازيـن عيـنـي مــا بـقـا فيـهـا لغـيـرك شـــوف
تشوف الناس في صوتك وفي صورتـك مخلوقيـن


لـحـد إنــي أهرّجـهـم واشـوفـك جـــازع مـلـهـوف
تطالـعـنـي بعـيـنـك وآتـلـفـت بـيــن حـيــن وحــيــن

وصورتك بعيوني صارت أكبر مـن جـدار الخـوف
تتـيـه بلونـهـا الـزاهـي وتلـفـت أعـيـن المـاشـيـن

ومن خوفي لا يبصـرك ويعرفـك واشـيٍ مكشـوف
أغمّض وأحضنك برموشي وبرضـي أخـاف تبيـن

لكـنـك مــا ولا مــرّه ذكــرت الـوالــه المـشـغـوف
وجاملـتـه بكلـمـه أو ولـــو حـتّــى بـنـظـرة عـيــن

وأشعرته بـذرّه مـن حنانـك يـا أهيـف السرجـوف
تعـيـد لــه الأمــل وتـرجّـعـه فـــي عـالــم الحـيـيـن

وش اللـي بـدّل أفـكـارك وغـيّـر طبـعـك المـألـوف
وبـدّل صـورة المـاضـي الجمـيـل وغـيّـر التلـويـن

وش اللي رخّص الغالي وكنسل شيكه المصروف
وأخـبـرك إن مــا عـنـده رصـيــدٍ يـوفــي التـديـيـن

وش اللي قالوا إلك الناس من شعرٍ بدون حروف
يـحــرّك دقـــة الـوجــدان ويـغـنّــي بــــلا تـلـحـيـن

لحتـى أنـك نسيـت المعرفـه يــا لابــس المكـلـوف
وهـدّيــت بـدقـيـقـه مــــا بـنـيـنـاه بــثــلاث سـنـيــن

ولا بينـت لـي كرهـك ولا أخفيـتـه عــن الملـقـوف
بـيــن البيـنـيـن تـلـعـب الـلاعــب عـلــى الحبـلـيـن

فرجـاي إن كـان باقـي عنـدك إنسانيـه ومـعـروف
تريّـح طـرفـي السـاهـر وتـرحـم قلـبـي المسكـيـن

_________

الموضوع الأصلي: جدار الخوف || الكاتب: امير السعوديه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات