استشاره يمكن القى حل عندكم يرشدني لبداية الطريق

اكتشفت امر في غاية الخطورة علي وانصدمت وتفاجأت هل يعقل هذا الامر؟؟!!


اكيد تبون تعرفون وش هو؟؟

السالفه ومافيها اكتشفت ان فه وحده معي بالدوام لها علاقه بشخص >>>> بقول الله يهديها

بس المصيبه مو بكذا <<< لاااااااااااااااا

المصيبه انها تكلمه بصفتي انا>>> يالهول ماكتشفت

بمعنى انها معطيته معلومات عنها تخصني مثل اسمي عنواني دوامي خوالي منو ؟؟ الخ

بس الطامه اني ماعرف منهي هذي البنت؟؟! <<< مستغربين
والله ما اعرف منهي واخاف اظن السؤ بوحده من زميلاتي او اشك فيها واظلمها
بس انا عرفت السالفه من وحده من رفيقاتي قالت لي طبعا في البداية هزأتني ومسخرتني في اعتقادها انها انا وصارت شحنه بيني وبينها اقولها يابنت والله مو انا مارضت تصدقني <<< ما الومها المعلومات كلها تخصني

المهم بعد ماتزاعلنا كم يوم دقت علي تتأسف وتقول اكتشفت انها وحده تعرف كل شي عنش ومستغله شخصيتش>>> معليش عاللهجه عدوها

واكيد انها معش بالدوام طبعا رفيقتي اللي نقلها الخبر زوجها سمع السالفه بالديوانية وكان قاط اذنه يسمع الحوار بين اخوه ورفيق اخوه لانهم كانوا ثلاث بالديوانية فلما سمع طاري اسمي استغرب حاول يمط اذنه زياده انفجع >> مالومه صدمه

زوج رفيقتي يعرفني من انا ومن بنته ومنهم اخواني ووش هم منه الخ يعني اهو مستبعد اني كذا بس الاسم والمعلومات انا

فقال حق زوجته وقالت لي وصار الحوار اللي بيني وبينها وبعدها اكتشفت مع زوجها انها وحده مستغله اسمي بس للاسف ماعرفوا منهي

حاولت اقول حق رفيقتي جبيلي اسم ذالرجال اي معلومات يمكن اقدر اعرف بس ماقدرت لان زوجها مايعرف رفيق اخوه هذا قلت اساليه مافيها شي خليه يسأل اخوه وش اسم رفيقه ومنهي البنت لايقعد يمشي ويفضحني وانا مالي ذنب بالموضوع ؟؟

حلف زجها يمين الا يكشف السالفه وانه مايعديها على البنت وقال لزوجته تقولي انتبه للبنات في الدوام

استشارتي لكم
كيف الطريقه اللي اعرف من خلالها البنت؟

واذا عرفت البنت كيف اتصرف معها؟

هل اعلم اخواني ؟ والا اكتم السالفه؟؟

حدي محتارة معقوله فيه ناس كذا تستغل وتكذب .. طيب هذا الاستغلال مجرم عظيم فيه عوايل بتروح فيه دم فيه بلاوي

قهر قهر قهر طول هالفترة وانا على نياتي والناس تحكي من وراي

العاقل يدلني للدرب السوي

يارب لاتكشف لي ستر ولاتجعل امري عند من لايرحمني ولاينصفني
يارب عجل علي بفرج من عندك قريب
يارب استرني فوق الارض وتحت الارض ويوم العرض

آول شيء ربي يستر عليكِ
ويكفينآ شر هالنوعيآت
وثآني شي يآكثر مآ تجينآ هالحآلات ومنها
زي حآلتكِ لكن آختي ومن تجآرب مع غيرك
آنآ آشوف آنك مادام وآثقة من نفسك وآنها
وحدة تستغل معلوماتك آنآ آفضل تشوفين واحد من آهلك
يكون ثقة وتقدرين تكلمينه ومايتعصب وتكلمينه
بكل شيء من آول ماصارت مشكلتك مع رفيقتك
وبعدها آطلبي منه يتقابل مع زوج رفيقتك ويروحون
لصاحبه وهو يدلهم على صاحبه اللي قاعد يكلم
اللي مستغلة اسمك وهم عن طريقه او طريق الرقم
اللي تستعمله البنت راح يعرفون منها هي ولاتقول لي
رقم سوا او بدون اسم مافيه رقم ماتقدرين تطلعين
صاحبه حتى عن طريق الارقام
ووقتها يروح آخوك وهو بطريقته يحل المشكلة
لانك لو سكتت تقولي خايفة راح تندمين بالاخر
لانك ماتدرين لو تسوي شي آكبر آو تطلع معه
وآنت شايفة الخبر كيف وصل زوج رفيقتك
يعني توقعي انه يوصل لآحد من آهلك البلد صغيرة
وبرضوا عندك طريقة ثآنية وهي آستر لك عن آهلك
تتصلين على آلهيئة وتكلمينهم عن كل السالفة
وهم بطريقتهم رآح يسآعدونك ويحلونها ويعرفون البنت
وهذه هي آكثر طريقة نستعملها وآن شاء الله مايقصرون
معك
وربي يستر عليك وعلى بنآت آلنآس وطمنيني عنك
وآيش يصير معكِ

بسم الله الرحمن الرحيم

موضوع مهم يخص شخصك ويخص كل منهم حولك

الأمر رغم ان فيه لخبطه كثير ولكن نتحدث عن أنسانه تعرفك وتعرف شخصيتك ومن انتي

يعني هي قريبه لك منا ومناك فقد اطلق العنان لمن هم حولك

موضوع يجب ان يعرفه الرجال لكي لا يؤثر عليك لدى أخوانك يجب ان يعرفو هذاالشي

كيف تعرفي من هي أسألي من نقل لك الموضوع عن اي سالفه تخص ماقيل عنك وعن شخصيتك وراح

تعرفين من تكوون

وأن تعرفتي عليها كوني صارمه معها لكي لا يتكرر ماحدث

مريت بمثل هذا الموقف ولكن من رجل لرجل وتشهير بصوري الشخصيه

وونتظر اراء البقيه للفائده

هذي وحده تعرفك زين
مو معناته انه من زميلاتك بالعمل
يمكن من قريباتك تكون حاقده عليك وتبي تضرك
بس نصيحه لاتظنين ظن السوء باحد
انتي كلمي صديقتك وخلي زوجه يجيب معلومات هالرجال
وانتي كلمي واحد من اخوانك وحاولوا تعرفون من هالعدوه
والله شي يقهر اعراض البنات مو لعب
وصدقيني ان الله يمهل ولايهمل

بسم الله الرحمن الرحيم
السلام عليكم ورحمة الله وبركاته






يسعد اوقاتك




طولي بالك وصلي على النبي موضوع مو سهل ولكن يحتاج لحكمة ودقة



أول شيئ المفروض تعرفي مين هي البنت هذي عن طريق رقم تلفونها

هل هي قريبة ولا صديقة


هذي مسالة عرض ما ينسكت عنها ولكن لكل مقام مقال ولكل موضع مجال يعني تختلف الطريقة بإختلاف وضع هذي البنت

واهم شيئ انه هذا الشاب لازم يعرف أنه يتكلم مع بنت ممتحنة شخصية بنت ثانية يعني يتصحح له المعلومة


والشيئ الثاني بعد ان تعرفي البنت وتحددي قرابتها او معرفتها تاخذي وتستشيري وتبحثي الموضوع مع اهلك لتجدي الحل المناسب إلي يوضح الموضوع ويصلحه دون ان تتعرضي انت واهلك للأذى





ربي يستر عليك ويبعد عنك شر ولادين الحرام


لا تخافي ولا تقلقي صاحب الحق سلطان بس بروية بتعقل بدراسة





إحترامي

لا حول ولا قوة إلا بالله
لهذي الدرجة وصلت عقليتها

كلي وفاء
أشكركـِ لطرحكـِ الهام والدارج بكثرة هذي الأيام
أسأل الله العفو والعافية لنا ولكم

كما تفضلوا أخوتي برأيهم الفاضل
وكلامهم الحكيم
لهم كل الشكر عليه

برأي أنكـِ تبلغين أهلكـِ بالموضوع حتى يتم أخذ الحذر
ومايمنع من مواجهة هذي البنت على أفعالها
لأنه لو سكتي عنها راح تلعب بأسماء غيركـِ كثير
مالكـِ إلا مواجهتها وبقوة
أسأل الله الهداية لها
وأن يحمينا وإياكـِ
ممن هم بشاكلتها

بصراااحه موضوع يقهر

الله يستر بستره

انا رأيي من راي روح السما ومناهي

فعلا كلامه صحيح ولا تسكتين ابد

لا حول ولا قوة الا بالله
الله يبعد عنا بنات الحرااام

انا رأيي من راي روح السماء
وياليت تبعدي عنها
بالمره

الله المستعان / والله يتسر عليك وعلى كل مسلم ومسلمة

ودي

/

اقول
إدعي له بالهدايه وأن الله يهديها ..
والله الدنيا ماتسوى وإعلمي أن من شيم الكرماء هو العفو عند المقدره ..

جزاكم الله خير يالغالين على تفاعلكم معي

وان دل هذا على شي انما يدل على طيب معادنكم واصلكم

واشكركم على مشاركاتكم ونصايحكم واللي اعتبرها تاج فوق راسي رغم اختلاف كل راي عن الاخر<<< احترمكم


اما بالنسبه للموضوع فأتمنى من الله العلي القدير انه يدلني على شخصية البنت اللي استغلت اسمي والله يسامحها دنيا وآخره ويهديها

ثانيا زوج رفيقتي مو مقصر وهذا هو يبحث بالموضوع بطريقة حكيمه حتى يتوصل للبنت والرجال هذا. هويحاول يعرف من اخوه وش اسم رفيقه على قولته لازم دقه وصبر وتأني لين نعرف وبإذن الله راح نكشفها سواء كانت قريبه مني او من زميلاتي

ثالثا بالنسبه لاخواني>>د حاولت اقولهم اول ماعرفت بالموضوع بس الحمد لله ماتسرعت مو لشي بس لانهم غالين عندي واشتريهم بروحي فلازم اقدر الوضع المتأزم اللي يمرون فيه عشان كذا ولله الحمد قلت بنطر لين تهدأ انفسهم ويطيب خاطرهم ويزين الله الظروف اللي يمرون فيها بعدها بقولهم واجلس معهم لاني محتاجه حنيتهم وعقلهم الرزين في حل القضيه لكن لو بقولهم ذالحين في ظل الظروف اللي يمرون فيها وتوترهم يمكن يسوون شي لايحمد عقباه دون تفكير وانا صراحه احب اخوانهم ولا ودي يرتكبون خطأ وبالاخير انا الضحية حتى لو كانوا يعرفون وواثقين من اختهم بس الناس وش عرفها والمثل يقول كثر الدق يفك اللحام عشان كذا ماودي اكثر على اخواني حاليا على الاقل

رابعا انا متفائله وموكله امري على الله وبإذن الله راح ابشركم بما يسركم بس دعواتكم لي بظهر الغيب

اما البنت الله يهديها>>> اشهد اني بغسل شراعها بس بحكمه وشي اكيد راح اقطع علاقتي فيها

ان حكوا فيني بوجهي او حكوا بي من وراي
مالقوا غير البياض اللي قهر سود الظنون

تحياتي لكم وحبي

بسم الله الرحمن الرحيم
السلام عليكم ورحمة الله وبركاته





يسعد مساك



عودة بس كنت اقلب القصة براسي



يعني زوج رفيقتك ما يعرف صديق اخوه ممكن نعديها ولكن كيف اكتشف او عرف بعدين انه بنت ثانية مو انت




القصة مو هينة الله يفتح عليك وينور دربك




إحترامي

صحيح حتى انا سألت السؤال هذا لرفيقتي تسأله زوجها كيف قال انها وحده ثانية والاسم اسمي والمعلومات تخصني ولما سألته
قال لسبيبن
الاول انه يعرفني ويعرف اهلي ومستبعد تماما انه انا
ثانيا على كلام اخوه نقل الخبر لانه سأل اخوه بطريقه غير مباشره قاله من ذالبنت اللي تسولفون عنها ؟ هذي انا اعرف اواخوانها وش جاب سيرتها عن رفيقك؟
قال اخوه ان البنت اللي تكلم رفيقي قالت هالمعلومات عنها بس بصراحه اشك انها اهي
عشان كذا قال لزوجته تقولي انها وحده منتحله شخصيتي واني احاول اتذكر اي وحده قد سمعت عنها شي واني آخذ الحذر من زميلات الدوام