حزن وورق
دمع وأرق
وابل إحساسي حزن
آآآه يالغرق
بيّااا خووف
والمدينة سكّرت أبوابها
في وجيه أحزاننا
وحبست شمس الأمل
ورحّلتنا للمنافي
بلا تذاكر للرجوع
والبحر يزّفر حزين
ماتت على شواطيه
الأماني والسنين
وين أختبي يامعييين
مالقيت!
غير حضنك يالورق
صرت لي منفى وأوفى
من صدور الناس
وأحضان المدينة
وكل كلمة على أرضك ثمينة
وفي أيدي أمينة
لا رقيب ولا حسيب
غير حزني
وكم دمعة
صرت أحبك يالورق
صدرك على دمعي حنون
وحزني على أرضك جنون!!
ارتميت بحضن سطرك يالورق
دثّريني زمّليني يالحروف
طحت منفيّه وذابحني الأرق
بين هم وبين غم وبين خوف
احضنيني مركب أنفاسي غرق
وانكسر مجداف صبري وما أشوف
ياحروفي كل مافيني احترق
والخساير في كياني بالألوف
أوصفي عني عذابي اللي سرق
راحتي وأشرف بقلبي للحتوف
المشاعر حلم يسقيها عرق
لا تنام ولا تفيّقها الكفوف
إنكسر ظهري وحظي ما مرق
واقف يردد على كلمة هنوف
آآآآه ياحظٍ سعيدٍ بي شرق
لا شهقني ولا زفرني للقطوف
يأسي البارح على بابي طرق
وحط سرجه فوق راحلة الكتوف
والحنين اللي بسما قلبي برق
شحّت أمطاره من أسباب الظروف
العضو الأكثر نشاطاً هذا اليوم 
العرض الشجري
