حُسَافَةُ يَاكُحَيْلانَ الكَدِيشُ يُمارِيكِ بَرَكْضُهُ

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أثرني من سنين أحرثْ بذور أرضٍ ماهيب أرضي=غبي ياللي نوى يجني ثمار أرضٍ ماهيب أرضه
حزن كلّي .. يكابر لو سكن بعض الفرح بعضي=دخيل الله من مثلي خنق كله فـرح بعضه
ياليتي ماخذيت من اصبع أمي خاتم ٍ فضي=باأبدلّه بذهب والغبن : ضاع الخاتم الفضه
ألا ياهشم قلبي لاازهمت: قم ياولدي وضّـي=الا يابري حالي كم طفت لي جمرةٍ غضه
كذوبه يابروق الصيف طول الصيف وانا امضي=وراك ولاحصل لي من سنا نورك ولاومضه
بعذرك عضي الأبهام يااسنان الندم عضي=ومن مثلي خلع ظفره ندم من كثر ماعضه
من حراب التجارب قلت لك يانفسي أتعظي=مدام اناّ بوقتٍ يكذب الوعّاظ في وعظه
اعرف النافله واتحمد الله حافظٍ فرضي=ولاني ملزم ٍ بالفاسق اللي تاركٍ فرضه
حسافه ماجنيت الاّ عجاج البيد ياركضي=حسافه ياكحيلان الكديش يماريك بركضه
رحم عودٍ مربيني على ان المرجله عرضي=لابوها ديرةٍ فيها السنافي هاتكٍ عرضه
وجيهٍ غاضبه لاهيب لا ترضى ولا ترضي=واذا فيهم توفّى العود كان أبلغ عزاه : عرضه
تهجيت المكان بعين شرهة نورها الغضي=وشوفي كل مااسترسل بحلمٍ توقظه غمضه
أنا اللي سولف النحس بغرابه عن ردى حظي=ونسى نفسه وقال : اماّ سعود لعـن ابوحظه

[/poem]

الموضوع الأصلي: حُسَافَةُ يَاكُحَيْلانَ الكَدِيشُ يُمارِيكِ بَرَكْضُهُ || الكاتب: حد السيف || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات