ببكي على (الأطـلال) لين أغمض العين

صباااااح/مـسـاء الوروووود

هذي أول قصيده أنزلها في منتداكم

أتمنى تعجبكم

هالأبيات

الله حسيب اللي حرموني حبيبي
حسبي عليهم طينوا حظي الشين

يومه لفاني يطلب القرب طيبي
قصده شريف وواضح بلاعناوين

حاول وحاول مار مامن مجيبي
ردوه ثم ردوه لين انشف اللين

وش عذركم؟ مافيه شي(ن) يعيبي
وش عذركم؟ مافيه عيب أعرفه زين

بالله عجل بالدوا ياطبيبي
عجل وحط السم باقصى الشرايين

فلل به البرواز خليك ذيبي
دسه بوسط الدم لاتخاف ياشين

أنا حياتي كله بوسط جيبي
حفظتها عندي أمل في لقى الزين

وش لي بعمري دام ماهو قريبي
وش يسوى عمري والحبايب بعيدين

يارب ياعالم بأسرار غيبي
أنت أعلم بحالي وحال اريش العين

إرحمني يا الله وارحم حبيبي
محدن سواك يعدل الشين للزين

وإرأف بحال اللي هواهم عجيبي
ماينوصف لونكتبه بالدواوين

ما ارضى بغيره لو غزى الراس شيبي
النادر اللي ماخلق مثله اثنين

ودامه كذا حظي وهذا نصيبي
ببكي على الأطلال لين أغمض العين

بــقــلــم / ~ أطـــــــــــلالـــ ~