للتواصل مع العمالقه
اسج رجلي على درب الخطـر سجـي = لو ان بعض الدروب يضيق ممشاهـا
اساير دروبهـا مـع بحرهـا اللُجـي = وسبع البحور ان تلاطم موجها انصاها
ماتثنـي عزومـي الاميـال والفجـي = عـال المراقـيـب والله لا تعـلاهـا
كله على شان من فج النحـر فجـي = بخنجر(ن) ماتونّـى مـن عطاناهـا
خنجر سهوم العيون الناعسه خحـي = صميم قلبـي وعينـي سبلـت ماهـا
واقفت وعج الغبن في داخلـي عجـي = ماغير اهوجـس بطاريهـا وحلياهـا
ولاحل طاري غلاها اغيـب واهجـي = وانصى فجوج الخلا لجل اني انساهـا
واهمي اللـي تزاحـم كنـه العجـي = غربية دمت اقصاهـا علـى ادناهـا
والا كما غيمة(ن) فيها الرعـد لجـي = صيفية(ن) ترهب عيـون(ن) تحلاهـا
والراس من فيض هم القلـب توجـي = تـاج الهمـوم الله الرحمـن يجلاهـا
ويالله تغفر ذنوب اللي نوى الحجـي = وتجلى سهر عينه اللي طال وعماهـا
شعر / نايف سند الميموني (ابومشاري)
العضو الأكثر نشاطاً هذا اليوم 
العرض الشجري
