السلام عليكم ورحمة الله وبركاته
هذي قصيده قرئتها بأحد المنتديات لبنت معاقه
تشكي حالها لوالدتها وووالدتها تحاول تواسيها
طبعا مااطول عليكم اخليكم مع القصيده
يالغاليـين أول شي القصيده
بعدين الرد حقي تحت
قصيدة من كلمـــات شاعر أثرت فيني همساته وكلماته ...
يجينا الفرج بكرا.. يا بنتي بس لا تبكين
انا مااستحمل دموعك .. وهمساتك تبكيني
نشف دمعي على خدي يا بنتي من ثلاث اسنين
وصارت كل آلامي تعيش وتلتحم فيني
يا بنتي احبسي دمعك دخيلك اكتميه الحين
حرام الدمعة في عينك تعانق ماضي سنيني
تعالي واحظني فرحي .. وقولي للفرح اهلين
وخلي حزنك بقلبي .. دخيلك يابعـد عيني
اشوف الدنيا بعيونك .. واشوف الفرحة بك يا زين
وانا مالي سواك إنتِ .. وإنتِ شمعة تضويني
علام الهم في قلبك .. يابنتي ليه ماتحكين
ابيك تكسري همك وانا امك قولي حاكيني
يايمـه حالتي صعبة انا.. والفقر صرنا اخوين
اعيش بظلمة همومي والاقي الهم يكويني
معاقة يمه من صغري .. معاقة تشتكي حق مين
مدام ان البشر تنظر لحالي بعطف يعميني
اناظر هالبشر واسال ..انا وش موقعي الحيــن؟؟
وش اللي يميز الأعمى عن اللي شوفهم زيني
فقيرة حظ يا يمـه وحالي تعمي العينين
من اللي يعشق ويهوى معاقة حظها شيني
سألتيني وش اتمنى يايمه منيتي شيين
يكون الفرح اولهم بعدها تعيش رجليني
انا ودي ومنا عيني يكون لجسمي بس رجلين
تساعدني على برك .. وبرك غايتي وديني
يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني
تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني
معاقة يمه قوليلي علامك ساكتة تبكين
كلامي ازعجك ادري .. وادري الدمع يشكيني
دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!
طلبتك يمه هاتي لي عروسة مالها رجلين
وابيها تكون في كرسي .. ( معاقة ) مثلي ترثيني؟؟
لكــمـ
*****
الرد على هذه القصيدهـ
لو هي يديني كان ماتبخل بشين
ولاصب دمعك مثل ماصاب عيني
يالايمه حظك على الهوون بشوين
الله علـيـم الحـــال واللــي يعيني
لا لا تزيدين الجروح المغابين
دمعـك عـذابـي وأطلبيـك تعذريني
لو هي على روحي على الروح تبدين
لو هي على كلمة رجاي أسمعيني
كن الفرح ذيك الليالي مساجين
وكـن الهـمـوم اللي تقـص اليميني
وش حيلتي والكاس ماعاد به شين
وش حـيـلتي عقــب العـمـر تطلبيني
وين الفرح ياسائلي مصدره وين
كـانـك تـشـوفـه زيـن قلــه يجيــني
والله لأهديك العمر كل مافين
وان شـاب راسـي ماتـقـصـر يميني
هالعين تبكي والعيون المساكين
وشـابـت قوافـي من قصايـد حـزيني
أن كانها فرحك على دوس رجلين
رجـلـي فـداكـي يالعـيـون أبـتـرينـي
بس اطلبك ضحكه من القلب تكفين
لا لا تـخـبـي فرحـتـك يــاظـنـيـني
*******
أبيات متواضعه رد على القصيده
ملاحظه//
انا بالقصيده هذي حللت مكان ألأم
اللي ينشكى له
فحبيت أني أخذ دوره
وسامحوني عالأطاله
أخوكم//محمد عبدالله الشمري
مـزيون شمر
العضو الأكثر نشاطاً هذا اليوم 
العرض الشجري
