روحي فمان الله مع سـود الأيـام

:
:
روحي فمان الله مع سـود الأيـام
روحي ترا ماعاد صدري شمالـي
أنتي عذاب الوقت وجروح الأحلام
حملتـك ذنوبـي وذنـب الليالـي
في كل يوم أشوف زولـك بهنـدام
ماعاد في دستور الأحبـاب والـي
فيك الأماني كلها صـارت أوهـام
قولـي لطيفـك لا يعانـق خيالـي
أنا تراي اليوم مانـي بأنـا العـام
وش عاد ينفع لو تقولين غالـي؟
إن ما محاك القلب تمحيك الأعوام
لاتسألين القلب عـن راس مالـي
قصة شقا والعمـر مـازال قـدام
وإن طابت جروح الهوى طاب فالي
قد قالوا إن الحب راعيـه ينضـام
وأنتي تجرعتي من المـر حالـي
روحي بلاش من المواجـع والآلآم
أشغلت فكري عنك وأشغلت بالـي
مادام عمر الحـب للحـب مـادام
قولي كذا للحب ( مانـي لحالـي )
وإن كان تضماك القصايد والألهام
في دفتري يغشى الحروف التعالي
صدر الورق لاضاق ماتفيد الأقلام
أنا الورق لو كان صدري شمالـي