بعدها ......
في كل ليله كنت أرسم ورد في بالي
وأقطف منه ورده
أمسك الورده فـ إيد وأنزع الأوراق وأرميها وأردد
هي تجيني ؟ ...... ما تجيني ؟
هي تجيني ؟ ...... ما تجيني ؟
لين أجفاني تعانق بعضها وأتلحف عيوني و أناااااااااااام ..
ولا صحيت إلا وهي تاقف قبالي ،
ومن هباالي
أول اللي صحت فيها : تذكــــرين !!!!!
يوم كنتي تسأليني ( ويش أعني لك أنا ؟ )
قولي أنك مانسيتي ؟
قولي أنك تذكرين ؟ صدقي أكذب عليك إن قلت لك :
وقتها ماكنت فاهم ويش كنتي تقصدين !!
كنت أراوغ في الإجابه
كنت أقول أن المطر روح السحابه !
وأنك أول من حرث هالبال بالطاري
وأنبت دفتر أحلامي قصيد ..!
وكنت أقول أنك صباحات الوطن لـ المنفي اللي عذبه طول الحنين ،
كل ماشتاق لـ دياره ، وصوت جاره
" شم ريحة شيلة أمه "
يوم صدره ضآق به من كثر همه !
وأسمعه يومه يتمتم
آه يمه , آه يمه , آه يمه .!!
كل هذا من هباالي
يوم في بالي نفيت اللي فـ بالي -
أهلي ، أصحابي
غلاي لكل غالي !
كنت أفكر فيك دااايم
لاجل يشطح بك خيالي ،
وأرسمك قدام عيني ...:
و أزعلك
وأنتي عني تبعدين
لجل لابعدتي أنادي لك تعاالي !
..... وتبعدين
وأرجع أنادي تعالي
وتبعدين .....
وأرجع أنادي تعاالي
..... وترجعين ،
كل هذا لاجل أقول أمزح معك !
مادريت أنك زعوله
أنتي " تعني لي الكثير "
.... ذكريـات
و
عمر فـات
و
صاحب من قبل أعرفك
كنت أسولف فيك عنده
بس ماااات ......
و شي ماأقدر أقوله !
بس أنا لي كلمتين :
ويش يعني هالمطر والأرض تتمنى هطوله ؟؟؟
ويش يعني الأب لـ أطفاله إذا ما لاح زوله ؟؟؟
بعد هذا ماعتقد أنك في يوم بـ تسأليني
( ويش أعني لك أنا ) ؟!!
بس أبيك تجاوبيني
ويش أعني لك أنا ؟؟
ويش أعني لك أنا ؟؟
ويش أعني لك أنا ؟؟
العضو الأكثر نشاطاً هذا اليوم 
العرض الشجري
