بسم الله الرحمن الرحييم
اولا حابه ابدا كلامي ان رمضان على الابواب كلها 3 شهور او شهرين , وينورنا
ثانيا فيه عضوه هنا تكلمت عن موضوع مهم بس ماخذ صدى كبير ف حبيت اجدد الموضوع بطريقتي
وابدا فيه بطريقة مختلفه
زي مانتو عارفين ان ايجار الخادمات ب ارتفاااااااااع خصوصاً عندنا في حايل
انا ماقهرني الا ان بس حايل المدينه الوحيده الي الحريم يستغلن ضعف الحرريم بقولكم القصة الي حصلت معي كالتالي :
امي كبيرة بالعمر والبيت كبير وعندي اولادي صغار اتصلت ع ام فلان هاه كيف ابيها برمضان ؟
بس رمضان مابي شي ثاني حتى مابيها تجي المطبخ بس تستلم البيت قالت 4000 !!
يالله ياملي مع السلامه بشوف غيرك مع السلامه
الو هلا والله ام فلان كيف الحال تأجرين خادمات ايه ب 5000 ؟ ليه يابنت الحلال والله حرام مامعي هالقيمه اقول تبين ب 7000 والا مع السلامه هذي اسعااااااري
لاحول الله خليني ادق ع الخادمات الي يشتغلن باليومي التكرونيات اهلين هلا والله فيه شغل شهر رمضان ابغى انتي تجي بيت من بعد الساعه 4 عصر لين الساعه 11 لا ماقدر انا محجوز بكم محجوز 3500 !!
وين ماروح تسكرت الابواب بوجهي والله حرام والله ظلم
دخلت الماسنجر وهذا فيه صحباتي الي تزوجو وسافرو برى المنطقه وجلست اشكي الحال عليهم
وحده من الطائف حلفت واقسمت ان ايجار الخادمات هناك ب 1000 ريال ؟ بس التنظيف من غير الطبخ ..
وحده جداويه متعرفه عليها من منتدى لقيتها متضايقه قلت وش فيك انا جايه يشكي عليك مشكلتي
قالت اسكتي توني ماخذه ب رمضان خادمه ؟ اندونيسيه قلت ايوه لايكون سعرها غالي قالت ايه قلت بكم قالت ب 1500 ؟؟ تخيلو ياحريم اندونيسيه !! ولابعد متضايقه تقول رافعين السعر علينا
كل المدن ب المملكه يراعون بعض ويساعدون بعض الا حنا هنا حريمنا يذلننا على خادمه
5000 ليه ؟ انا بيتي من ذهب يوم اخليها تنظف ب هالقيمه ؟؟
اخذت ارقام الي ياجرن ب الطايف وبالمدينه وبمكه كلهم قالو مايقدرن يطلعن برى المكان الي هم فيه
اقسم بالله العلي العظيم ظلم وحرام يعني عشان مافي رقاااااابه الحريم كل وحده تزود السعر ؟؟
انا من الان راح ابدا افضح ب الحريم الي اسعارهم عاليه والله شهيد ع ماقول راح اكتب اساميهم واراقامهم وابي الكل يقاطعهم
عمر بن الخطاب يوم قالو له اللحم يرتفع سعره قال لهم ارخصووووووووووه بمعنى اتركوه وفعلا ررررخص لين الناس تقدر تشترريه
اما حنا هنا الحريم لاعبين علينا ومستخفين فينا وف ضعفنا وف حاجتناااااااا
انا اطالب ادارة بعد حيي واطالب اي وحده مثل حالتي تسجل دخولها وترفض الفعل القبيح هذا الي يسوونه الحريم ونسوي موضوع خاص ل فضح مثل هذولي الاستغلالياااااات
الي مايخافن الله .. ولا يستحن واتمنى طلب من اخواني رجال حايل ان ينصفوننا ويقفو معنا ويستنكرون هذا الشيء
راح امشي في كذا منتدى وانقل موضوعي هذاااااا --
ياحريم اتعضوووووووووا ترى الدعوى نصب × نصب
الى متى ؟؟
الى متى ؟؟
الى متى ؟؟
5000 < لا بعد هنديه والا سيرلانكيه ؟؟
ترى كل هالخزعبلات بس عندنا في حايل لان مافيه رادع مافيه رقابه مافي منع --
ياناس خلونا نتكاااااااااااااتف .. خلونا لو مره نثبت للعالم ان حنا قادرين نغير شي غلط نشووفه
سجلو دخولكم ب الموضوع بالصلاة ع النبي وقول كلمة الححححححق الي مانخاف فيها لومة لائم ..
اخيرا ً انا علي حلف الا اكتب اسامي الي ياجرون وافضحهم اذا ماشفت تعديل ب الاسعار بحد المعقول وزي المدن الثانيه راح افعل المستحيل واكتب في كل مكان وبا اساميكم الصريحه عن المهزله الي تسوونها بالطيب مانفع بالكلام الرقيق مانفع
ماينفع معكم الا كذا الفضضضضضيحه ومقاطعة الناس لكم --
تقول احد العضوات هنا جابت خادمه ب قيمة 3500 وبعد ماتشتغل زين وتبطح ؟
يعني شين وقواية عييييييييين ..
يالله ياجماعه استنكرو وخلونا نقف يد وحده ضد هالفئة الي ماتخاف الله ولا الناس ..
هذا الي يجي من بنات ديرتنا وحريم ديرتنا ويمصون الفلوس منا ع قلة سنع .......
تقول احد الاخوات ب الرد عليها :
اول شي هذا حراااااااااااااام يعني هي تاكل مال حرام هي وعيالها
ثاني شي ابعرف هي كم تعطي الشغاله الي تشتغل وتكرف وفي الاخيير ماتلاقي حقها كله يعني التعب عليها والفلوس لها وهي مرتااحه
ثالث شي انا من اهل الطايف وجيت حايل بحكم عمل زوجي ولقيت العجايب عندكم في اجار الشغالات وفي الطقاقات اللي تاخذفلوسها وتاخذ خاص بعد
المهم خلو كلامنا الحين عن الشغالات يعني انا استغرب هالمبالغ الباهظه يعني في الشهر ايجارها 2000 او 2500 وفي رمضان 3000 و5000 يعني الراتب كله لها وفي رمضان الراتب يادوب لاغراض العيد وتكاليف البيت ومثلكم عارف
وين يروح راتب رمضان الله يعين بس كله للشغاله
احنا عندنا في الطايف في الايام العاديه اجار الاندونيسيات 1200 او 1000
وفي رمضان 1500 ومو عاجبنا ونجلس نحاول معها
والله لو اجارها 5000 والله محد يجيبها لو ايش جنان هو ولا ايش عند جد قهررر واستغلال
الله يعينكم وانتو ساكتين على الوضع هذا عشان كذا مستغلينكم
ملاحظه \ في رمضان السعرر 1500 تكرف كل شي البيت والطبخ واللاطفال وكنها وحده بفيزه
تقول الاخت الاخرى ب الرد عليها :
حسبنا الله ونعم الوكيل
والله احنا بعد في جده ومكة ماتوصل ل3000 ريال
1500 بالكثير يمكن برمضان توصل 2000
هنا عندكم احتكار للشغالات واللي ماسكة الشغلة هاذي ماتخاف الله
لوتكاتفنا كلنا صدقوني رح يبطلون هالفحش بالاسعار
والاخت التي اثارت جدل في كلامها :
حنا العام كان عندنا زواج ومحتاجينها مررره مررره لان العالم كله مجتمعه عندنا وكان الزواج بعد العيد على طول
المهم رحت لمشغل حواء وقلت للسعوديه ابي شغاله شهر قالت ب3000 لانه برمضان يزيد السعر
المهم قلت خير نتفاهم لاجيت للبيت
وانا احاتسي خواتي وامي قالن خلاص نجمع قطيه من البيت كله عشان راحتنا مانقدر على الطبخ والصوم وشغل البيت والمراكض ورا البزارين
المهم كلمتها على اساس تخفض لي شوي
تدرين وش ردت؟؟؟
قالت زوجي رافض يقول لا ماتأجرينها ب3000 يبي فيها 4000 يعني زادتها لاربع الاف الاخت يوم شافتني محتاجه
عاد قلت لها لا والله ياختي كثيره وهذا انا طمعانه انتس تخفضين لي
قالت لا مستحيل لان رمضان موسم
قلت مع السلامه
ووحده قبل اسبوعين استاجرت منها
تخيلوا بس ابيها يوم واحد
قالت 150
قلت شكوى لله انا حامل وحمولتي بيطبون علي وبيتي منحاس من الغبره ولاني قادره اقوم لاني معي مشاكل وتعب بحملي هذا
المهم قلت خلاص تجيبينها لي من الصبح الساعه 9 لاني صاحيه
قالت لأ
قلت اجل متى؟؟
قالت الساعه 12 الظهر
قلت بس انا ابيها تعزل البيت وعندي شغل ولاتقدر تخلصه كله
قالت لا هي سريعه وشغلها ماياخذ دقايق وهبه ريح ومن هالكلام
وانا والله على نيتي صدقتها
ويوم جا موعد جيتها دقيت الساعه 12 قلت هاه ما ارسلتي الشغاله؟؟
قالت لا للحين السواق ماجا
قلت بس يا اختي انا وياك متفقين ومن شروطنا اللي اتفقنا عليها انها تجي من الساعه 12 والحين تقولين ماتقدر؟؟
قالت وش تفرق ساعه <<< ماتدري اني حتى الفلوس شاحدتها من ميمتي ومن اختي يعني كلها سلف بسلف ومذله نفسي عشان اجيبها
قالت تبينها ولا خلاااص
قلت الشكوى لله ارسليها
ووصلتني الساعه 1 ونص
تخيلوا وانا اروكض وراها واقف على راسها عشان تشتغل صح
والله بطيئه بشكل ماتوقعته حسبي الله عليها كذبت علي وتقولي سريعه بشغلها
المهم يوم جت الساعه 10 بالليل قلت لها بس اكوي لي هالملابس 5 سراويل سنه لزوجي
قالت لا خلاااص انا ابروح
قلت بس انتي لازم 24 ساعه لاني اخذتك يومي واليوم بحسابنا 24 ساعه
قالت يامدام انا تعبانه قايمه من الساعه 5 الفجر ومفطره الاطفال وتعبانه
قلت المفروض ما اعطيك هالميه وخمسين بس والله لا اخذها من كفيلتك يوم القيامه
انا ابعرف كيف يحسبون اليوم عندهم
تقول الايجار اليومي وماتجيبها الا من نص اليوم وش يكفي نص يوم عشان تشتغل؟؟ اصلآ مايميدها تشتغل الا مخلص الوقت
حسبي الله ونعم الوكيل
يحسبن الفلوس تجينا بالساهل
والله والله والله لو ما انا تعبانه وحامل كان ماجبتها
وهذا انا اعاني من اثار تعب هذاك اليوم احس بزي السكاكين ببطني ورجولي احسها متورمه من وقفتي على راسها
لان نص الشغل اخذته عنها قلت هذي بطيئه ماراح تخلص
ارجو من الجميع اتفاعل لان هذه المشكلة ليست حصر على النساء
هذي ضاهره تنتشر اكثر ف اكثر ..