((ديوان الشاعر احمد المنتشري(بوح القصيد)))

[frame="11 50"]







مدخلـ
7
7
7

[poem=font="Arial,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

جتني تقول ان كان لي بالغلا جاه=ابعد ترى في البعد طبن ومغنى[/poem]


اليوم بوحي غير
والسوالف غير
مثل ما انتي في غلاتك
حتى في همسة شفاتك
ياحياتي غير
ما دريتي...!!!
احترق قلبي بشوقه
حين يسأل ليه بالله
ياقف الدم بعروقه
وليه يابوح القصيد تغير
قلت انا بوحي وقصيدي
ياغلاتي غير
مثل ماهو في هواها غير

[poem=font="Arial,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

غابت ونار البعد بالجوف تكواه=وشفنا قساة البين والشوق شفنا[/poem]




جتني تسأل
في خيالي
قالت كيفك
وكيف حالي
قلت حالي
والا حالك
والا طيفي
في خيالك
والا حظي
في وصالك
اتعذب
في خيالك
والتقي بك
في خيالي
وفي سوالف غير
لإن بوحي هو قصيدي
ولك قصيدي غير
مثل تعذيبك لقلبي
وفي بعادك غير

[poem=font="Arial,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

وهليت دمعي هلل مزن انتمناه=وبكيت من قلبي على مافقدنا[/poem]


اغيب عندك
حين اتذكر سوالف
يالحبيه
وحين اضمه
طبي اللي
من طبيبه
واسألك
ياهوه وينك
ورد قلبك
قبل فمك
انت تامر
وما يخالف
في وصالك
واتعذب
لحظة اسكوته وهمسه
ولحظه اظلاله وشمسه
ولحظه ايام توالف
فيها ابكي
من هنا
من نبض قلبي
آه يا خوفي
تبقى ايامي تسير
ثم اغير
ويستمر حلمي صغير
ويستمر حلمي صغير
ويستمر حلمي صغير
وانا في بوحي وقصيدي
ولك قصيدي غير
مثل ماهو في هواها
وفي غلاها غير

آآآآآآآه...

[poem=font="Arial,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

.ياليل ياللي ابلا وليف سهرناه=عجل علينا بصبحك اللي انتظرنا[/poem]


ياحروفي
اكتبي له ذكرياتي
عله يقراها ويأتي
وعله يسأله
ليه ضاعت امنياتي
وليه تايه في سكاتي
وليه لما اعطش لشوفه
ما الآقي عذبه الغالي فراتي
وليه احفظ له بقايا
يا بقايا ذكرياتي
وليه يدري
انه عندي
في حياتي غير
وان بوحي اصله جنوبي
والجنوبي غير
مثل ما اصبح لي عذابه
في حياتي غير

(( ليلة البارح ))

[poem=font="Arial,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ياشرود الفكر/ياجور الزمان بقلب صابر=يالضا شمس المقيل وياجنان الظل فيه

ليلة البارح كما صحرا النفوذ بحلم شاعر=ليلها قارص عذابه وظهرها شمسه عتيه

تحتويها الروح في لحظة عناق لحب طاهر=وينتهي نبض القلوب بأمر خلاق البريه

آآآه ياليلة غدابي شوقها والجفن ساهر=غصت العبرة بألمها وضاق كل الكون فيه

حينها جفت شفاهي وابتدأ نبع المحاجر=وشلت طرسي واعتزلت الناس وانساقت هميه

وقمت انادي ياهجوسي هيا ونزور المقابر=نسأل الحفار هوحاله سوي والا بسيه

رحت يمه قلت ياحفار شورك في المهاجر=ليه يحرمني سناه وليه غاب اليوم ضيه

قال لي قمة عذابك حين محبوبك يكابر=اسأل اللي مالقى في دنيته ليله هنيه

كل ليله لي هجوسٍ ترسم اطروق عوابر=تحكي اللي عجز الخفاق بليال(ن) سنيه

كل ما هلت تراتيل الوداع ابيوم غابر=انتخت فيني طواري الشوق والدمعه النديه

وانكسر فيني شموخ الحب وانذلت منابر=ياحسوفه ياغرامي / قلت له صبرك شويه

المحبه له وفا واحساس في قلبه وخابر=ترسم البسمة على قلبن طغى نبضه عليه

ليت لي في عالم الغالين سجه ويوم عابر=واعرف اللي تحمله ياخافق ابذيك البنيه

ليلة البارح آلمها وآآآه ياعمر المسافر=حين وادعتك حياتي / صارت الدنيا دنيه

والألم لما سألت الروح من هو اللي مغادر..؟=قالت انته والغلا والحب والضحكة البريه

ياقصيدي ليه في حرفك تعب والحظ عاثر=ومن ولدت وعالم الحرمان لخفوقي جزيه

وليه ادور للغلا اعذار وان الأمر ظاهر=وليه يبقى له وفائي رغم قيده في يديه

ياغلاتي ارحلي بس افهمي صدق المشاعر=شهدها ساعة لقا عينك مع عيني الشقيه

وياغلاتي لي طلب عندك اذا مريت خاطر=حين تسري روحك الثملى وتضوي بك عليه

مثل ما البارح لقيتك وكانت اللقيا خواطر=احتضنت الطيف لهفة وكانت اللحظة هنيه

ليت عيني ماغفت لحظة ولا كللت حناجر=وليت عمري ينتهي ساعة عناقك ياوفيه

وليت قلبي ما نبض بالحب وانهلت سواطر=وليت عيني ما لقت ام العيون النرجسيه

الغلا يبقى مكانه والوفا في الناس نادر=والمحبه حظ وانا كلها حظوظي رديه

انتحر فيني شرودي وانكسر لون المحابر=مابقى فيني حروف(ن) تحمل البسمة اليه

ياشرودي هيه / عود قد لفانا صبح باكر=مابقى للروح حيله تحتمل معك الخطيه[/poem]

مخرجـ

للشوق ذكرى
وانتي في حظرة الشوق
ولليل مسرى
وانتي له نبض وعروق




[/font][/frame]

http://www.b3b7.com/vb/showthread.php?t=33294