(((ديوان الشاعر عقاب النهار)))

[poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ــــــــ( مركـــب هــوانا )ـــــــــ

الليل مفتاح الحبايب والاسرار= وكم لليلة ٍ ظلما كشفها قمرها

خذنى وحيد الليل واكتب لك اشعار=باظهر الك اهموم ٍ لقلبى دمرها

قصة معذب صار له شى ماصار=كسير هم وحالته ماجبرها

مركب هوانا بالهوا شكله انهار=من عاصفه موجه تهيّج بحرها

روّح به الربان من هبة اعصار=خربّ به المينا وسفنه كسرها

حبى وحبك كان محصون باسوار=وكم حاجز ٍ حبى وحبك طمرها

ياما قضينا ايام عشره وتذكار=نلعن به الشيطان لامن حضرها

عرش الموده بيننا كبر سنجار=صعب الوصول وينجرح من قدرها

؟؟؟؟ يامن شعشع الخد بانوار=ياورد بستان ٍ نما به زهرها

واليا مشيتى والشعر بالمشى ثار=ثم انحنى جسم ٍ تمايل خصرها

كنه سواد الليل غابن الاقمار=بايامه الاولى وتالى شهرها

مع مبسم ٍ كن العسل داخله حار=والكتف مع ردفه وزايد نحرها

دار الزمن والظن فى دورته جار=باللى ملك نفسى وحالى أسرها

تروح باليمنى وانا اروح بايسار=شخص ٍ رفع نفسه وشخص ٍ حدرها

واسألك عن من هو وقف تقل جبار=كسر مجاديف الهوى واحتقرها

اجيال واجيال ٍ غدت زايد اعمار=ومازال باقى موتته ما احتضرها

شوفى وانا يابنت وافين الاشبار=حكم الزمن واللى ابى ما اخصرها

اليوم كونى اخت هذا لك اشّعار=واعطيك انا عينى لو اخسر بصرها

الحر لو شاف المهونه كفخ طار=يشوم عاف الارض وبحره عبرها

ماعاش حر ٍ مهتنى بكف صقار=تدرى يشوف الضيم ولاهب قهرها

هذا القدر وامر الولى بيننا صار=منشى غيوم ٍ تستهل بمطرها

قصه تغنيته على صوت شعار=عله تزول اهموم قلبى واثرها

وسلامت قلوبكم

اخوكم

عقاب النهار[/poem]

http://www.b3b7.com/vb/showthread.php?t=44599