داخل اليوم المنتدى كالعاده ,, مالي طاري حتى أرد ,, فجأة وأنا في رحلة استجمام مع نفسي، لمحت إيقونه مكتوب عليها : أضـف مـوضـوع ,,
وتذكرت وصية جدي قبل يموت يوم قال: يا ولدي ,, لا ترد أحد يطلبك ,, تكفى ياولدي لاتفشلني بين القبايل
عاد بعد حيي ماهو رخيص عندي يكيفيني بس ادخل واتفرج على الاعضاء والمنتدى
المهم
طقيت صدري وقلت للإيقونه : يلعن ام اللي يردك يا بنت الأجواد ,, نضيف موضوع ليش لا أهم شي لاتزعلين علينا يا الطخمه وذبيت عليها الرقم (( اعنبوا بليسه أي شيء مؤنث يرقمه ))
المهم
عندي موضوع والله انه ,, مضيق صدري إن بغيتوا اطرحوه أرضاَ أو ثبتوه جواَ أو دحدروا به
موضوعنا في هذه الظهريه هو : عبااايات ,,, عباية المرأة
, وآآه يا أخواني من سالفة المرأة وعبايتها لأن موضوعها ذو شجووون والمثل يقول: الشجووون ملعوووون
سؤال أطرحه لكم ياحضرات القضاه والساده المستشارين وأبي منكم إجابه ..
وااااااااقردي
أنا كـ منذر أعزب أشعث أغبر
ما قد شفت الا شغالتنا .. فجأة تصادفني
في الشارع بنت عليها عباية أضوق من ثوبي !!!!! وش موقفي ؟ أكيد بأعض الأرض وأتمتم قائلا : ألعن أبو الصيده يا شيخ
مواطن متحمس و لي حق العيش في هذا الوجود المنتعش ,, أروح المستشفى أبي أعالج راسي من الصداع ,,
ثم تصادفني في ممر المستشفى فتاة عليها لثمه كأنها ناوية تسرق وعيونها كحل في كحل وش أسوي ؟
راح يزيد صداعي وبأرجع من المستشفى مصدع ألعن من قبل والبركه في عباية بنت الأجواد
شغالتنا مثلا .. اسمها ( راني ) .. وجهها كأنه مفك بيبسي .. وفي الليل أتجنب رؤيتها لأنها تذكرني بسوالف الجن الله يقاصرنا ويقاصرهم بالاحسان ليش اللوم والحكي كله على الشاب والبنت طالعه منها براءة ؟ ليش ؟ ليش؟ (( وجه واحد منهار في المحكمه ويقول: اغيثونا ))
اللي بيجاوب ..يجاوب ,, واللي مهوب يجاوب لا يجاوب ., والمثل يقول: اللي على راسه بطحاء ابن أمه يواسيها
ارجو من اي سحليه تشوف موضوعي ماتلبس شي زين ياطلعت
خارج البيت
العضو الأكثر نشاطاً هذا اليوم 
العرض الشجري
