ما جيت لـ أجل اللي تحت حاجبينك
ولا عشان أقضي معك كم فتره
جيتك وانا محتاج فزعة حنينك
إنسان مثل الناس يعشق ويكره
جيتك قلم لو عاش مجمل سنينك
كل يوم ينزف شوق ما جف حبره
شفني ما بين غياب عينك ، وبينك
شخصٍ رمى مستقبله خلف ظهره
البارحه بيحت [ خافي كنينك ]
خايف على نفسك من الوقت بكره
وجفونك تغطي حكي مقلتينك
وعيونك اصدق من لسانك وهذره
[/align]
ليت القصايد تحن الليله و تجبر . . !
الكسر ، ومن الحنين الصبح تسرقنا
لـ قلوبنا أقدام لكن ما قوت تعبر
دروب الاحلام ، لين العمر مزّقنا
إن عاند الوقت غصب نعاند و نصبر
بس الزمن من هماج الحزن ذوّقنا
نقول يمكن بعد بكره تبي تدبر . . !
الين ضاقت علينا أيامنا و ضقنا |
كل ما كبر حبنا ، ظْروفنا تكبر . . !
يا ليتنا ما تلاقينا و لا اشتقنا . .
العام حنا التقينا بشهر نوفمبر -
و نوفمبر [2010 ] جا و فرقنا !!
مخرج
فنجال حلمي والوداد و ضنينك
وكاس الغرام اللي تعمدت كسره
كانوا على مينا الجفا محترينك
فـِ حلوقهم من بحة الناي نبره
وانته عليهم جعل ربي يعينك
تْظنني ماخذ من أيوب صبره
تشره علي وتقول : قلبك وعينك
وينك ؟ ترى للشوق فـَ القلب جمره
أنا هنا موجود لا تقوول وينك
من بعد تغريبة عمر جاي تشره
انا عشقتك قد اصابع يدينك
و ترد لي المعروف وتْحب [ 10 ] . !
العضو الأكثر نشاطاً هذا اليوم 
العرض الشجري
