فهد المارك ومرثيه الامير مشعل بن سعود العبدالعزيز الرشيد

فهد المارك من عبيد الرشيد الاوفياء عند وفات الامير مشعل السعود كان بالطائف ولما عاد للرياض سأل وين الامير ابي

اسلم عليه فردوا عليه الامير يطلبك الحل فخر مغشيا" عليه وبعد ان فاق ذهب لقبر الامير يريد انيسلم عليه و يقراء الفاتحه

على روحه الزكيه ان شاء الله فلتواء لسانه وقال هذه الابيات...


ياواحـدٍ فـوق السمـوات قـيـوم=يافزعه اللـي لاذبـه واستجـارى
أسألك ياجالي غثـى كـل مهمـوم=تفرج لمن نومه عن العيـن طـارى
ويحق دمع العين دايما ًعلـى الـدوم=والانس لمن مثلي حـرام وعـارى
نفس تطيب ومشعل فـوق بحـزوم=حدر الثرى دمـدم عليـه الغبـارى
عار ٍ عليَّ ان كـان ابستـر بالنـوم=والحال حل ابها البلـى والدمـارى
هجر الطرب والنوم والكيف ملزوم=فرض علي واجب ولابـه نكـارى
عليك ياحامـي مقامـه عـن اللـوم=ياسابـق جيلـه بصمـت ووقـارى
عليك غبنـي دايـم الـدوم مكتـوم=بين الحنايـا والحشـى والستـارى
امس اللحد مسرور وامسيت مهموم=العود بات بربـح وبـت بخسـارى
صنصيل ياما بك من العز مضمـوم=الله لحد ياعشـت طـول السكـارى
ليتك مخلى ساعـه تـدرج الحـوم=تعيش مـن كفـَّـك نجـوع فقـارى
لاشك مخلى بجثـت الهـر والبـوم=اصبحت تصادرك السمك والحبارى
" زيزوم غلبا" الياجبت بـارت الكـوم=وبارت الهنادي والتفـق والمهـارى
شب ونشى عن طورق اللوم معصوم=كود المروه والثنـى لـه جـوارى
مرحوم ياشيخ السناعيـس مرحـوم=مرحـوم ياترثـة ملـوك ٍ خيـارى
اطلب من اللي نزل الكهف والـروم=يغفـر ذنوبـك دقهـا والكـبـارى
آميييين يارحمـن يافـارض الصـوم=تجعل ثـرى قبـره نهـار تجـارى
لاتحسبني ساليـن عنـك لـو يـوم=ولاتحسبن صبري عليـك احتقـارى
منساك كان العين تسلى عـن النـوم=ولانساك كان الخلج تنسى الحوارى
مار أتصبّر دورب العقـل ملـزوم=واسلي واسير كن ما بـي غيـارى
وادرى الجلد لعداي والقلب مغمـوم=واضحك وانا كني على جال نـارى
وادرى شمات الاش والهزل والقوم=لو كان صم الساعد الجاش سـارى
على الذي تسربه النـاس معصـوم=ماشافـت العينيـن مثلـه جهـارى
عم ٍ ولد عم علـى الكيـف صـاروم=اخو عضيد اللي على الكيف صارى
ماعمر عاتبني ولـو كنـت مأسـوم=دايـم يرانـي محتـرم واعتبـاري
مار حرم علي ملايمه كل شغمـوم=عقبـك فلالـي بالصناديـد كـارى
ومني صلاة عـد ماهلـت رسـوم=على النبي مانـاض بـرق ونـارى






وتقبلوا تحياتي


أختكم:::::::::::::::::::العبديه

الله يرحمه ويغفر له

وصح لسان فهد المارك على هالمرثيه..

العبديه

الله يعطيك العافيه ويسعدك يارب..

احسنتي على نقل المميز
يامميزه

رحمه الله وغفر له
وسلمتِ لنقل المرثيه الرائعه
والاختيآر الاكثر من رائع
طبتِ ,,

صح لسانه والله يرحم امرائنا الرشيد

يعطيك ربي العافيه على نقلك المميز
كل الشكر لك ..

غفر الله لهم جيمعا ورحمهم الله

شاكرك
على نقلك العبديه
ونعم فيك وبعبده

مرحوم ياشيخ السناعيـس مرحـوم=مرحـوم ياترثـة ملـوك ٍ خيـارى
اطلب من اللي نزل الكهف والـروم=يغفـر ذنوبـك دقهـا والكـبـارى

يسلم الشاعر
ورحم الله فقيدنا برحمته الواسعه

ويطول عمرك العبديه
على هالنقل لاعدمناك

الله يرحمه ويغفر له

ويعطيك العافيه يالغلا على هالمرثية الراائعه .

نقل رائع
الف شكر
للعبديه((يابعدي ياالسناعيس))
ننتظر جديدك

الله يرحمهم جميع ومعلومة قد لاتخفى عليكم المرحوم فهد المارك كاتب قدير وله كتاب مشهور عنوانه (من شيم العرب) أنصح الجميع باقتنائه وقرائته وهو عبارة عن 4 أجزاء ورأيت طبعة جديدة منه في مكتبة جرير وإن كانت الطبعة القديمة أفضل من وجهة نظري.
الجدير بالذكر أن المارك عمل في أكثر من سفارة للمملكة في عدة دول من بينها سوريا وعلى ما أعتقد اليمن.
ودمتم،،،،،****

مميزه في كل شى فى شعرك وفي انتقائك للقصيد
تحياتى لك اختى

تسللم يالغلا
تنتظرمالديك من الابداعات
تقبل مروري

الله يرحمهم ,,,, والله يعطيك العافيه ع النقل المميز