|
فأنّك شمْس ،،، والباقي كواكب
تخيل لو تغيب الشمس عن هالكون بس لو يوم
وكيف الليل يعْقـبْ ليـل مـن آخـر دياجيـره
تخيل فجْعة الدنيا وتضاريـس الوهـج معتـوم
ذهول ورهبنـة أشبـاح تخْلـق وجـه تقديـره
مقابر مسّت أرواح الجنايز فـي رثـا محـروم
ولبْستْ من هياكلها جسد يرقص علـى زيـره
تفاصيل المكان!! ايّة مكان ؟! وفلسفة منظـوم
يروّع ريحه لاصرصر يمركـز عمْـق تدويـره
هناك أبعد هناك أقرب هنـاك العالـم المبهـوم
هناك الكون لاكشـر كسـى عنـوان تقريـره
متاهة بالكره الأرضية صوب أعلى بحر قلـزوم
بحر أحمر بحر أسـود بحـر يلْهـث أساطيـره
خرج عقْل المدينة واسْتخفْ يسْخطْ كذا ملطـوم
سأل ويني انا من موقعي ياويـن تسطيـره ؟!
معاملها وش (نْيوتن ) يساوي والصفر مركـوم
تحلّق فوق فوق الكون اعلى عكـس تفسيـره
جحد (تسْع وثماني من عشر ) ماهو بها ملزوم
يقيس الكيف من مبدأ الخروج وتيـه تطويـره!!
تزمجرني فضائاتي ملـك يخـدم عنـا مخـدوم
وعرشه قام واتْربّـع علـى زمـره مخاسيـره
كوابيس الجيوش اللي تفوق اعداد جيش الـروم
تسيطر في محيط الـذات شلّـت جمـع تفكيـره
تخيل هول ذا المنظر (وضَفْ) خاطر غدى مهموم
تخيل هم رسم وحشة سكـن يقتـات تصويـره
وربي لو تغيب اشوي احس الكـون ذا مرسـوم
حقيقـة كذبـت واقـع معالـم بـان تزويـره
أنا مافينـي أتحمـل غياهـب جبّـي المزعـوم
ولانبرة ألـم تشتـاط صـوت الأنثـى تقصيـره
تعب يغتال ذاكرتي /لحد يدفـن صبـر محكـوم
وشهوة طين تنْطف حرْف نزوة مـن معاثيـره
إذا رمشت بعد عيني عيونـي مستباحـة لـوم
ابنْشـدْ لـكْ تراتيـل الصبـاح وروح تأثـيـره
وإذا مدحك (يابو الطيب) عشان الرزق والمقسوم
فأنا بمـدح هواويّـه تبيـح الشـوق تعبيـره
(فأنّك شمْس) والباقي كواكب بازغـة ونجـوم
تروح وترجـع نْيـازك شهـبْ مافـاد تنويـره
لشاعره (افكار الناظم)
|
العضو الأكثر نشاطاً هذا اليوم 
العرض الشجري
