يشبه اللي بالهوى يلفح الريشي

[poem=font=",6,orange,bold,normal" bkcolor="black" bkimage="" border="double,7," type=2 line=0 align=center use=ex num="0,black""]
راكـب اللـي ماتعوقـه مطاليعـه=يشبه اللي بالهواء يلفـح الريشـي
لاطرى داف الحشـى فـي مرابيعـه=يطربك فـي متعبـات المطاريشـي
قيمتـه شيـكٍ رسمنـا تواقيـعـه=بالظمى يـروي كبـود المعاطيشـي
لو تضايـق سايقـه ماطـرا بيعـه=صانعينـه لابسيـن الطرابيـشـي
مابلـش فيـه الهنيـدي بترقيـعـه=ولاضرب وسطه شطير الشواكيشـي
ولاسمعنا صيحة الترس فـي قيعـه=اشهبـن تـوه بـالاوراق مانيشـي
ولاركض وسط المعارض لتجميعـه=ولايلاقـي عـازتـه بالمناقيـشـي
عارفن بالطعس عسفـه وتسنيعـه=يجحمه من دون دفشـن ولاطيشـي
يشتكي من جـور وقتـه وتلويعـه=ومايراعي للصحـن والخراطيشـي
عادته حـوس المواتـر وترويعـه=وان ظهر حسه عطى الجيب تطنيشي
لادعـس لـه بالنفـود ومرافيعـه=يختفق مثـل السبـاع المخاريشـي
لاشكـت طـول الليالـي وتجويعـه=وعن بواريـد النشامـى مناحيشـي
ديـرةٍ طرقـه بـعـادٍ مجاديـعـه=ماوطت فيها الغنـم والحواشيشـي
الدداسـن ماتجـي مـع مقاطيعـه=لو يسوقه مـن كبـار المتانيشـي
قاطـعٍ دربٍ تـنـازى جرابيـعـه=مايراعـي للنـقـط والتفاتيـشـي
لادعس له في طواريـف اصابيعـه=صوت همال المـزون المراهيشـي
في مـزونٍ تطربـك فـي مناقيعـه=راحـةٍ لاهـل القلـوب الملاييشـي
مع نسانيـس الشمـال وذعاذيعـه=شايـلٍ بالجيـب كـل القراميشـي
لاجل عين اللـي رمتنـي بتفريعـه=لاغدت تمشـط طـوال العكاريشـي
الحـلا كلـه نبـع مـن منابيـعـه=ولا بنت بيت الشعـر والخرابيشـي
ولاظهر بالسوق ركضـه وترثيعـه=تختفق بالسـوق مثـل الدراويشـي
له تواصيف المهـا فـي تناويعـه=مع حلا رمش العيـون المراميشـي
حاربـت مكيـاج غيـره وتلميعـه=ولامشت في غاليـات الدشاديشـي
لو بغيت الوصف طالـت مواضيعـه=جسمها يشبـه ليـان المفاريشـي
ريحها ريـح النفـل مـع نعانيعـه=وعنقهـا يوضـي بليـا دناديشـي
طاح قلبـي واحـدٍ مـن مصاريعـه=وصار من جملـة قلـوبٍ مباليشـي
كن قلبـي لاطـرى يـوم توديعـه=هجـرةٍ فيهـا تنـام الخفافيـشـي
خفـرةٍ يطـرب خفوقـي لتدليـعـه=تطربن وقـت الدلـع والفرافيشـي
الحـلا معهـا وقامـت بتوزيـعـه=بيـن زينـات الخـرز والقراقيشـي
هجرهـا يجـذب لعينـي مداميعـه=ثـم تاتينـي همومـي مهاتيـشـي
وضحكته فرحة خفوقـي وتشجيعـه=والبلاء حسد القلـوب المغاشيشـي
خوف قلبي مثـل مجهـد زواريعـه=لاسمع بالمـزن حـس اللواليشـي
خابرٍ عاصـوف صيفـه وتفديعـه=لاغـدى الهمـال مثـل المهابيشـي
وقام راسه يشتكـي زود تصديعـه=من زروعٍ مابقـى بـه عراميشـي
عقـب ماقلبـه يراجـي مطاميعـه=صار مرتـع للنيـاق الهشاهيشـي
تقل تقلع مـن ضروسـه مقاليعـه=او طريحٍ داستـه غـارة الجيشـي
كـان ذودي راتـعٍ فـي مراتيـعـه=قبـل فقدانـي لزيـن النقاريـشـي
وقمت اصب القاف وابني مشاريعـه=وخزنة القيفـان تالـي محاويشـي
ضابـطٍ تخميـس قافـي وتربيعـه=يدهجن مثـل المـزون النشانيشـي
ماكتبت القـاف وارجـي منافيعـه=بس اعالج به غثيـث النواجيشـي
كـان زادت نـار كبـدي بتوليعـه=وقام ينخشني خبيـث المناخيشـي
هو دواء كبدٍ تعانـي مـن الضيعـه=وهـو عـلاجٍ للغثـى والنواتيشـي
والهوى كلٍ شكـى مـن فواجيعـه=مثل حالي لو صدر حكـم تفنيشـي
وعقبهـا ماينفـع الـروح تشييعـه=لاقطع نـور المحبـه مـع الفيشـي
ليت قلبـي صـادق فـي مراميعـه=وكان خابت وابعد الزين مااعيشـي [/poem]

الموضوع الأصلي: يشبه اللي بالهوى يلفح الريشي || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات