استشاره يمكن القى حل عندكم يرشدني لبداية الطريق

جزاكم الله خير يالغالين على تفاعلكم معي

وان دل هذا على شي انما يدل على طيب معادنكم واصلكم

واشكركم على مشاركاتكم ونصايحكم واللي اعتبرها تاج فوق راسي رغم اختلاف كل راي عن الاخر<<< احترمكم


اما بالنسبه للموضوع فأتمنى من الله العلي القدير انه يدلني على شخصية البنت اللي استغلت اسمي والله يسامحها دنيا وآخره ويهديها

ثانيا زوج رفيقتي مو مقصر وهذا هو يبحث بالموضوع بطريقة حكيمه حتى يتوصل للبنت والرجال هذا. هويحاول يعرف من اخوه وش اسم رفيقه على قولته لازم دقه وصبر وتأني لين نعرف وبإذن الله راح نكشفها سواء كانت قريبه مني او من زميلاتي

ثالثا بالنسبه لاخواني>>د حاولت اقولهم اول ماعرفت بالموضوع بس الحمد لله ماتسرعت مو لشي بس لانهم غالين عندي واشتريهم بروحي فلازم اقدر الوضع المتأزم اللي يمرون فيه عشان كذا ولله الحمد قلت بنطر لين تهدأ انفسهم ويطيب خاطرهم ويزين الله الظروف اللي يمرون فيها بعدها بقولهم واجلس معهم لاني محتاجه حنيتهم وعقلهم الرزين في حل القضيه لكن لو بقولهم ذالحين في ظل الظروف اللي يمرون فيها وتوترهم يمكن يسوون شي لايحمد عقباه دون تفكير وانا صراحه احب اخوانهم ولا ودي يرتكبون خطأ وبالاخير انا الضحية حتى لو كانوا يعرفون وواثقين من اختهم بس الناس وش عرفها والمثل يقول كثر الدق يفك اللحام عشان كذا ماودي اكثر على اخواني حاليا على الاقل

رابعا انا متفائله وموكله امري على الله وبإذن الله راح ابشركم بما يسركم بس دعواتكم لي بظهر الغيب

اما البنت الله يهديها>>> اشهد اني بغسل شراعها بس بحكمه وشي اكيد راح اقطع علاقتي فيها

ان حكوا فيني بوجهي او حكوا بي من وراي
مالقوا غير البياض اللي قهر سود الظنون

تحياتي لكم وحبي