قد تكون القصيدة سبق وتم طرحها بالمنتدى
و لآني لا أجيد كتابة الخواطر والقصائد !!
أعجبتني هذه القصيدة
لـ مرور عام على وفاة والدي رحمة الله
مرت سنه يا بوي من وقت فرقاك
وقلبي إلى هاليوم شمسه عتميه
مرت سنه فرقا وحسك وطرياك
متوسد بأوراق حزني القديمة
مرت سنه وأنا أتخضب بذكراك
بدموعي اللي في عيوني مقيمه
من عجلت في رحله الموت ممشاك
وأنا حــيــاتـي ما لـها اي قيمـه
البارحة في غفلة الليل أطراك
قلبـي ونـادت آهتيـن فصيمــه
ومرت بعيني صورة أيام دنياك
وأوقات كانت في حياتي عظيمه
ياما عطيت الناس من خير ما عطاك
ويا ما مسحت دموع ثكلي كليمه
ويا ما يمينك سابقت خير يسراك
حتـى يـدينك شبهـوها بغيمــه
يا بوي بنتك دربها صار أشواك
ومـعاد تمطر فارضها اي ديمــه
واللي خبرته يحسب حساب يمناك
واشد ظهري فيه عند العزيمة
ما مداك بس تموت يا بوي ممداك
إلا وجا يهدي لعمري الهزيمة
وما بين غبنه ذاك وجروح هذاك
وفراق كلي منه روحي سقيمة
وهذا أنا يا بوي من بعد فرقاك
تذكار كنت وصار اسمي يتيمة
" الله يخلي ويحفظ أبائكم ،، ويرحم والدي وجميع موتا المسلمين والمسلمات "
العضو الأكثر نشاطاً هذا اليوم 
العرض الشجري
