شــمر..جزور(ن) والســيآفا ســنامه.

((شمّر جزور(ن) والسيافا سنامه)) =ربعي هل الوقفات بالماقف الشين
اهل السطر واهل الطناء والزعامه=من قبل مايُوْلد شيوخْ وسلاطين
ربعي لهم بين المكارم كرامه=تاريخهم ماهو صحافة عناوين
ربعي تجيب الكايدة من زمامه=حتى تنوّخـْها غصب ماتجي لين
واليوم ياربعي علينا ملامه=تكفون ياسر لا يوَلِـّي به البين
ياسر سجين وفك سجنه غرامه=وش عاد تعني عند شمّر ملايين
تكفون هدوا سور قصر الندامه=من قبل مايبْـنـَى على السور سورين
طار الحمام وناح فيهم حمامه=وطاحت على صيت الرجال المسمّين
حنا خوال الطيب حنا عمامه=حنا العطاء لو مابقــَى للعطاء شِين