يا حبي اللي من سما نجد غطاك = سحايبٍ زرقا وصدرٍ حنوني
فيها ربيت ومنها أصلك ومنشاك = غطتك نجد بضافيات الردوني
يا نجد قلبي لك حبيبٍ ويهواك = كم عشت بك من خافيات الشجوني
ياللي رعيتينا عسى الله يرعاك = يسقي ثراك من الحيا والمزوني
يا قلب لا تبعد عن الدار بخطاك = خلّك قريبٍ من مضنّة عيوني
عش وسط نجد اللي به أيام مرباك = أيام والله غالية ما تهوني
في وسطها شوقك و حبك ونجواك = ربيعها لك يا فؤادي فتوني
يا نجد يا ديرة هلي كيف أبنساك = ماانساك أنا يا نجد لو يبعدوني
أغاريد السعودية
العضو الأكثر نشاطاً هذا اليوم 
العرض الشجري
