•(๑♥๑ ابــح ــث ๑♥๑)•
للقائمة روح وأبحث لين تلقاني
وأضغط على الزر الأخضر ثمّ كلمني
أريد صوتك ما هو لأجلي ومنشاني
لأجل الغلا اللي من أغلا النوم حارمني
ياخوي ألفين صادقني وخلاني
و لا فيه واحد من الألفين فاهمني
أعامل اقصى خوي عدّة من اخواني
و انا ادري بعد يومين صادمني
•(๑♥๑ قلبي رسالة جديدة ๑♥๑)•
صاحت عيوني تنشد القلب روياك
و أثره فؤادي في بعادك قصيدة
كن السعادة أعشقت يوم لقياك
وكن القرايب في بعادك بعيدة
كل الرسايل كان ترضيك تفداك
والا .... خد قلبي رسالة جديدة
•(๑♥๑ ســـــلام ๑♥๑)•
سلام يا آهل الحسن والطيب والعز ..
يالي لكم في الصدر قدر ومعزة
القلب من فرقا المواليف يهتز ..
مثل الشجر يوم العواصف تهزه
في قربكم كل المخاليق تعتز ..
والقلب لكم يشتاق في كل لحظة وحزة
•(๑♥๑ كما يسعد الشهيد ๑♥๑)•
صبحك المولى برضوانه .. وبلغك عفوه وغفرانه ..
وجعلك من السابقين إلى روضان جناته
وأكرمك بالنظر إلى سبحان وجهه و نورانه ..
وأسعدك كما يسعد الشهيد بصحبة أهله وخلانه
•(๑♥๑ روح الـ غ ـلا ๑♥๑)•
بسم الغلا برسل مع الشوق ورده..
أرويتها من ماي عيني غلاها ..
عطرتها بروح الغلا والمودة..
ضميتها لصدري ولامس عطاها..
أمنتك الله ضمها عندك لمده ..
حتى أحسك ضميت قلبي معاها..
•(๑♥๑ أخاف عليكـ ๑♥๑)•
تدري فقدتك حيل وضاق فيني الكون ..
لما تذكرتك ثارت دموع العين ..
تدري أعزك موت واشتاق لك بالحيل ..
وتدري في غيابك صار لي قلبين ..
قلب يعزك ويشتاق لك يغليك ..
وقلب عليك يخاف من هالزمان الشين ..
•(๑♥๑ عمر الصحبة ๑♥๑)•
عمر الصحبة ماتنتهي بين الأصحاب
بالذات لا صار الغلا فوق حدهـ .
مهما حصل من بعد وقصور وغياب
ترى لكم بالذات أنتم مودهـ .
•(๑♥๑ همس الوفا ๑♥๑)•
همس الوفا باقي مع النبض والصوت
لو غبت يبقى لك ضمير الوفا حي
بين الرجا والياس والحلم والموت
وبين الفرح والحزن والشمس والفي
اشتاق لك شوقن عظيمن ومكبوت
شوق الضرير إلي تعانق مع الضي
•(๑♥๑ صديقي ๑♥๑)•
من يوم ربي عز قدري و شاني . .
حطك صديقي و أصبح الهم مفقود
أكرمني الله فيك لا ما نساني . .
و علمتني وش يصنع الطيب و الجود
و ذا نطقت أسمك تشرف لساني . .
ولا المودة دايم الدوم في زود
•(๑♥๑ ان كنت ๑♥๑)•
إن كنت تضحك يا عساها على طول
وإن كنت متضايق يا عساها دقايق
وإن كنت نايم يا عسى الحلم معسول
وأن كنت صاحي يا عسى البال رايق
•(๑♥๑ أعذب نشيد ๑♥๑)•
تطلبين الشعر... يا أغلا مـلاك
وأنتي أجمل ما كتبته مـن قصيـد
القوافي تنتظر... بسمـة شفـاك
ثم تجي عذبه على معنى (ن) فريد
سحر عينك خالطه بسمة رضـاك
مصدر الهام وهي أعذب نشيـد
•(๑♥๑ يا هيــه ๑♥๑)•
انك نويت تذل هالراس اخطيت
والله لتبـطـي مـانـزل مــن مقـامـه
أنا تـــــرى لاقفيت ياهيـه اقفـــيـت
ماعـاد ارجــع لــو تـقـوم القيـامـه
أنا اعتـرف إني بحـبـك تمـاديـت
لـكـن امــوت ولا ابـيــع الـكـــرامـه
•(๑♥๑ للزمن حكمة ๑♥๑)•
الزمــن لا صـار ضـدك واحـتـوى .. درب المـصـايب
لا تحـاول تنـكســر لهـ .. لا تزيــد الطيـن .. طيـنهـ
لـ الزمن حكـمـهـ غريـبة تحكـم بـ درب الصـعـايب
ويا كثـر مـن ضيـّع الفرصـة وهـي فرصـهـ ثميـنهـ
عـز نفـسـك في زمـانك .. ولا تـقـول الحـظ خـايب !
وسوق عـمرك لـ المعـالي و اكسـر النفـس الحزينهـ
والطريـق اللي تشـوفـهـ / يرسـم الدنـيـا | عـجـايب |
مـد يـدك في طـريقـهـ .. ليـن ما تمسـك .. يميـنـهـ
والرفيـق إن طـال وقـتـهـ لا تحـاتي وكـل غــايـب ,
حجـتهـ دايم معـاهـ .. ولا تـقـول × فـلان ويـنـهـ ×
ولا تكـابر بـ المصـيبهـ لا حـكـوا بـ أغـلى الحبـايب
قـول : غـالي .. وكـل غـالي " تكـرم لـ عيـنهـ مدينهـ "
•(๑♥๑ حناني هو سبب بلاوي ๑♥๑)•
ياخــوي لا تســأل ..عن اللي × حطـّم × أحـــلامي
عن الدمعـهـ ..
عن النظـرهـ الحـزينهـ ..
والعنا والآهـ
عن البسمهـ
أو الإحســاس
أو الشقـا اللي فـ أيــامـي
ترى في دمعتي قـصـهـ ..
وأنا في قـصـتي / مأساهـ !
أشـوف الظـلـم بـ عيـوني !!
يعــذب قلبي الظــامـي ..
أشـوف الكرهـ معميهم
وكل ٍ ~ ملتهـي ~ بـ دنيـاهـ
أشـوف الكــــل هاجرني ..
وتقـرب لحـظهـ إعـدامـي
أنا والله لي :: قـلـب ٍ ::
حنـانهـ هـو .. سبب بلـواهـ ..
•(๑♥๑ بو وجهين ๑♥๑)•
شفت ابتسامات الوفـا بعيونهم مأثورهـ ..
وثر الخناجر من ورى الضحكات مشهورهـ ..
•(๑♥๑ غلاك أكبر من الحروف ๑♥๑)•
لو الـرسايل بين الاحبـاب مقيـــاس !
ارسـلت لك في كل لحظه رسالــه
ولو الرسايل تشرح اللي بالاحساس
صـورت لك شوقي وكيـف اشتعاله
لكـن غلاك اكبر من حروف و اقواس!
صعب اشرحه صعب اوصفه فمقاله
غلاك ( فكر وهاجس وروح وانفاس )
غلاك ( شـــــي مــا تشيله رســـاله )
•(๑♥๑ ما تساوي أي شي ๑♥๑)•
ما بقالك شي عندي لجل افكر بك واداري
لأنك اصلاً صرت عندي ما تساوي اي شي
الزمن والحكي وأنت وكل من يطعن سماري
يوم بتموتون لكن : يبقى رب الناس حي ..!
العضو الأكثر نشاطاً هذا اليوم 
العرض الشجري
