بداياتي كشااعره وتحولي للمحاوره

اخوتي واخواتي

اود ان ابين امرآ قد يستفيد منه كل مبتدآ او مبتدئه

ليس لااني اهل للنصح والتوجيه

وانما لااني مررت بتجربه واخذت درسآ

كنت في بدايتي اكتب الشعر ولكن كان عباره عن مكسرات

واليكم اول ابيات اصافح بها ديوانية شمر

يالطنايا بالله ودي اسئالكم سؤال=ممكن ترحبون لاجتكم غلا
اسمي غلا شمر ولا اخاف من الرجال=ماابي الا تقولون ياشمر هلا
انتم لي النخوه وانتم ياشمر راس مال=وانا افتخر فيكم ياشمر بين الملا
ان ماعطيتوني وجه ابعلن الاعتزال=واقول مالي بين ربعي غلا

واول رد كان للشاعر

عواد العلي

ردنا معروف يابنت الحلال=الاجابه ياغلا شمر بلا
في قدومك نعلن اليوم احتفال=مع هلانا مالك الا مسهلا
ياعويد مابقى فيها احتمال=اشهد انك ياابن عمي مبتلا
امتلا الديوان يا نايف تعال=علمي نايف يجينا يا حلا
فز يا عساف مانبغى جدال=طنيت التومان لاحل البلا
يامعقد وهجنا جاه احتلال=مايحرر دارنا غير الولا

رديت عليه
استاذ عواد

ممكن توضح بصراحه مافهمت عليك هي ترحيب والا طرده محترمه

عواد

وهنا يرد ردآ مبهر

لا يأختي الكريمه

ماعاش اللي يطردك ثم ان هذا المنتدى ملك الجميع لااحد يطرد احد

ولاارى ان المسأله تحتاج لتوضيح فتصوري لو ان احدآ قال وضحي ابياتك ماذا تقولين اذآ اختي غلا
الرجل والمرئه يتمايزان عن بعضهما من حيث الاجهزه الذهنيه ويشتركان فيهما ويتمتعان بهما
فجهاز الادراك يتفرع جهازين الاول الاحساس ويقصد به الحواس الخمسه
الثاني ترجمة الاحاسيس وهنا يتركز ادراك المرئه على الاشكال والاصوات والاحجام ويتركز ادراك الرجل على مقومات الاشياء
كما ان المرئه تختلف عن الرجل برغبتها بالتفكير التشبيهي بمعنى انها تفكر في الحال الراهن



غلا

اخوي الشاعر الكبير /عوادالعلي

ابيك تقولي ملاحظاتك على ابياتي بصراحه مابي مجامله


اقولك شي وماتزعل !!!!!!!!!!!!!!!!!!!!!!!!!!!!!!!!!!!!!!!!!!!!!









ياويلك لو تجامل

عواد

الاخت الغاليه / غلا شمر
ريحتيني يوم قلتي بدون مجامله لذلك انا الآن مستعجل بس ابعدل ابياتك بدون شرح

يالطنايا ودي اسألكم سؤال=وش يكون الرد لاجتكم غلا
اسمي غلا كم يا صناديد الرجال=ما اتمنى غير قولتكم هلا
شاعرتكم لو عطيتوها مجال=في غلاكم تفتخر بين الملا
انتم لشعري يالطنايا راس مال=بين شمر زاح همي وانجلا

-------------------------وهذه اول محاوره


الشاعره

عواد خلك مع ربعـــــك ورد العدو=الغزو فكري على الاسلام هم والعرب
الناقه اللي رغت بالدار عقب البدو=مدري مرضــــها من الادنين والا جرب

عواد

اقول يالشاعره ريلاكس يعني هدو=انتي تبين النشب والناس تبغى طرب
جتهم هميله مع الاذواد يوم وردو=ما ر احذري والاسد من شاف نابه هرب

الشاعره

علام شعار شمر يوم جيت هجدو = نسو لغاهم ومعناهم وطبع ٍ خرب
عواد ضايع مع الريلاكس.. شمر غدو= ومن يارد العد ياعواد عل وشرب

عواد

هذي ثقافة لغه مسحوب والا حدو=بالانقليزي نبدل تشب يعني شرب
عواد من واجبه ياقف مع اللي بدو =مار البلا الشاعر ه فيها فيوزن ضرب

الشاعره

عواد لاتزعج البزران يوم رقدو=ترى صياحك على الفاضي وموتك قرب
قلي علامك تركت الناس يومن عدو؟=ساعة لفحك السموم ونجم حالك غرب

عواد

يا منتدانا على هالشاعره شددو=عواد لحسابها لاتحسبونه ضرب
هذي رهينه ومطلوبآ عليها فدو=الزير خلا ال[****][****][****] يشيل حمل القرب

الشاعره

قل للطنايا نجي عجلين كان اعتدو= والفتل ننقض مواويله بشئ ٍ يرب
الناس زعلو على سالم وثم نقدو = والحارث اعطاه مقسومه وشد وكرب

عواد

يا ليل مااطولك يا جمهورنا رددو=انا بحايل وتو الشمس فيها تغرب
سحلية الروض (ربابه ) عليها اشهدو=حنا حطبنا الغضا وانتم حطبكم غرب

---------------------- عواد

مادام ربي كتبلـي بالملاعـب قبـول=نادو لي الشاعره واليوم نبحر سـوى
انا من البارحه ودي تقـول ونقـول=لكن عكس الهوى هبت رياح الهـوى

العنود

ياصفوف شمر ترانا مانحب الطبـول=شاعركم الفذ بالتخريب شكلـه نـوى
لكن غيمك يابو صالح بشمسي يـزول=وقلوب الاجناس مرضانه ولابك دوى

عواد العلـي

يالنا بغه طحتي بيدين فحل الفحـول=الذيب لاتقربين الذيـب كانـه عـوى
ماتدري انـا لياقلنـا نقـول ونطـول=مدعوم بالواو بس الشعر مافيـه وى

العنود

عواد خلك مع الجزلين كـب الخبـول=وان كان تبغى مطيحي قلت مالك لوى
انا صعيبة منـال وتتعـب ولاتنـول=فك الرموز العصيه وافهـم المحتـوى

عواد العلـي

من لايعرف العنود يقول عنها بتـول=ماتدري اني كشفت السر يوم التـوى
اليوم نبغا لنا يابنـت عمـي حلـول=يا مل قلبآ علـى (دهورتـه) ماقـوى

العنود ال علي

ان كان يوجد فبطنك سر عطنا وقـول=لاتمسك الصوت ياعـواد كانـه دوى
انا اتحدى تقول العلم يابـن الاصـول=لكنك احترت شفت الفعل والمستـوى

عواد العلـي

الله وكبر على اللي زاد فيها الفضـول=الفين واثنين ددسن رقم بعده روى 1
العلم مكشوف لكن ماقدرت الوصـول=انتي حضورك مع غيابك يساوي سوى

العنود ال علي

المهره اللي تساوت عندكـم بالذلـول=تسألكم؟انتم من اهل العام والا سوى؟
حكمكم ليـه دايـم يالطنايـا عجـول=عنصريين دايم والخفـوووق انكـوى

---------
غلا شمر

الشاعر اللي هاقي ٍ بإنتصاره=يقرب وله عندي مكانه وتقدير
ابي اولع بالقوافي شراره = واللي سلم من نارها يطلع بــ خير

عوادالعلي

البنت انا جيته وطفيت ناره=النار منتن قدها ياقوارير
انتي مكانك خلف ذيك الستاره=وانا اتقهوى من الدلال المباكير

غلا شمر

ياقل ربحك ياكثير الخساره = تاطا حصى كنك وطيت النواوير
معذور تكره جنس مريم وساره=تمساح طبعك ماتحب الغنادير

عوادالعلي

حنا الذرا لاقيل هجمه وغاره=والا المره عاله نقل حملها الغير
طبع السحالي يفقعن المراره=الله من النمه وكثر المسايير

غلا شمر

ليلك سرى مابين طبله وطاره = هذا زمان ٍ فيه جمع الدنانير
راحوا هل العليا وأهل الاماره= وخلو لنا برزان عند العصافير

عوادالعلي

وانا معك واعطيك مني اشاره=يعني صدقتي وافهم العلم ياطير
دايم الاحظ في قصيدك نعاره=مدري جهل والا توجد مناعير

غلا شمر

عواد وش علمه تغير مساره ؟= ياناس قولو له تراه اخلف السير
حنا انتخوا فينا رجال السطاره = نعطيك علم وندعمه بألف تفسير

عوادالعلي

عواد ماقصده يغير قراره=واظن بنت ابليس من نفسها تغير
الشاعره لازم يعاد اختباره=مادام في راسه جنون وصعاطير

غلا شمر

الشاعره حطت لعواد شاره=وتثبتت شاراتها بالمسامير
وصووه لاينسى مبادي وقاره= اللي ورثها بالسيوف السواطير

غلا شمر

سلامي على اهل الطيب حماية التالي=رجالآ توسع خاطري يـوم اقابلهـا
انا ابغاك ياعـواد ياطيـب الفالـي=تسلم علـى كتفـي وكفـي تقبلهـا

عواد

هلا مرحبا بالغاليه وابنت الغالي=ترى المايله قدمك رجالآ تعدلها
اعلمك بالملعب واربيك بعقالـي=انا فاضيآ للناس اربي مهبلهـا

غلا شمر

على الهون يارجال ماني برجالـي=وبعض البنوك احسن لها لو نقفلها
ترى مانته بعمي ولا انته بعد خالي=انا ويش اسوي بالضياغم واعقلها

عواد

يقول المثل ماينفع القيل والقالـي=ومن دور النكبات لازم يحصلهـا
انا اشوف وجهك يابسآ تقل بنقالي=ولك صورتآ قشـرا ولله بقابلهـا

غلا شمر

تريدالمحايل ماتبا الحامـي الصالـي=ومن ضاقت ثيلبه ليااصبـح يبدلهـا
لكن انت وجهك ياهذا الوجه صومالي=ولكـن رح يـم المواتـر وغسلهـا

غلا شمر

يوم عواد كالعـاده حذفهـا=جيت ابعيد له نفس الهزيمه
ودي اعطيك ذا الليله خلفها=ثم اقدمك بالملعب وليمـه

عواد

يا عمى القلب دورها وشفها=ليه عادة على العاده حليمـه
ليتها اتوب قبل العن جدفهـا=خايف اليوم اسوي به جريمه

غلا شمر

اغفر ذنوبهـا واقبـل اسفهـا=بنت عمك وتعرفهـا غشيمـه
ماله الا انت لو داسو طرفهـا=مرخص الروح لاصاحن حريمه

عواد

قابلينن اسفها ونعسفهـا=عسف تأديب والنيه سليمه
لاتضيع شرفنا مع شرفها=ثم تذبح مثل ذبح البهيمه

غلا شمر

كان عواد دمعاتـه ذرفهـا=قلت هذي من ذنوب اليتيمه
دام في صبعه عيونه طرفها=قصته مثل دواس وحكيمه