شرهتي والله على البشت الحساوي
ماعلى اقزام العرب مني ملامـه
خاب ظني فيه مقطوع الرجـاوي
يوم صدقتـه تغيـر فـي كلامـه
طاح من عيني ولاطاح متسـاوي
طيحةٍ منهـا يبـا يبطـي مقامـه
والله اني كنت احسب انه نـداوي
ماهقيت انـه يبـا يطلـع حمامـه
غرني معسوله هرجه بالشفـاوي
واللبـاس وسكبتـه والابتسـامـه
فالمجالس كنه بخيـت العطـاوي
في زمانـه لا ثنـا دون الجهامـه
بالعلـوم وبالسوالـف والدعـاوي
والوهـوم الـي توهمهـا وهامـه
وان رجعنا لصحيـح الـدو داوي
ماوراه الا الضعافـه والرخامـه
اثر بعض الناس مافيهـم مـراوي
مابهـم حشمـه ولافيهـم شهامـه
من ردا الرديان كاسيهـم كسـاوي
ليت في وجه الردي وسم وعلامه
ابتلتنـي فالزمـن كثـر البـلاوي
لين حدتني علـى ريـع الندامـه
مالقيت لجرح قلبي مـن مـداوي
مالـه الا الصبـر يالله بالسلامـه
العضو الأكثر نشاطاً هذا اليوم 
العرض الشجري
