...........ياليتنـا ماالتقيـنـا

تكـررت عقـب البطـا والتقينـا



..........من عقب مامرن سنيـنٍ طويـلات



في صدفـةٍ فيهـا حشـا مادرينـا



..........ولاهقينـا نلتقـي عقـب مافـات



لاشـك جابتهـا الليالـي وجيـنـا



..........رغم الفراق ورغم ذيك المسافـات



في موقٍـف بـان التوتـر علينـا



..........لحظه تلين إبها القلـوب القويـات



قالت شلونك قلـت ربـك عوينـا



..........الحمد لله عاضني عقـب لوعـات



الله رزقنـي فـي هنـوفٍ تبيـنـا



..........احيت خفوقٍ كان بعـداد الأمـوات



هي نور عيني فرحتـي والضنينـا



..........ألقابها عن ظيقة الصـدر سجـات



قالت سليت وقلـت عقبـك سلينـا



..........لكن عقب مالاعنا الحـب مـرات



قالـت شلـون وقلـت لاتسأليـنـا



..........مافات فات ولا تفيـد الحسوفـات



قالـت تكلـم قلـت مهمـا حكينـا



..........الدمـع ماينـفـع عزيزٍاليـامـات



قالـت نسيـت وقلـت لامانسينـا



..........لكن قنعنا والقناعـه مـن الـذات



قالت أروح وقلت وش فـي يدينـا



..........روحي عسى في كل خطوه سلامات



بصبر على فرقـاك مهمـا حيينـا



..........ولا تشـوه صـادق الحـب زلات



قالت علـى ماكنـت دنيـا ودينـا



..........تكرم ونكرم عـن دروبٍ رديـات



قلـت اسمحيلـي قبـل لاترحلينـا



..........يم الديـار اللـي علينـا بعيـدات



تـراي ذخـرٍ لاحدتـك السنيـنـا



..........اجيك مهمـا واجهتنـي صعوبـات



من اليوم اخوك وغيرها ما بغينـا



..........كلي فداك ان صار بالوقت ميـلات



وتبسمت بإعجـاب مـدري حنينـا



..........وتهشمـت قـدام عينـي بعبـرات



قالـت فمـان الله قلـت انتهيـنـا



..........واقفت تكلم نفسهـا بـس بسكـات



وقفـت تقديـرٍ لهـا ثـم مشيـنـا



..........دربٍ مشوه اهل القلوب العفيفـات



امشـي واردد ليتـنـا مالتقيـنـا



..........وش جابها عقب السنين الطويـلات

الموضوع الأصلي: ...........ياليتنـا ماالتقيـنـا || الكاتب: المكتفـي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات