بسم الله الرحمن الرحـــــيم
في البداية أشكر كل من أرسل وشارك في المسابقه وبالتوفيق لصاحب\ه المشاركة الافضل..
نبدأ التصويت بأسم الله
}{المشاركه الاولى }{
امسيت ابكي عصرالغبن والنداما
ازريت اخبي جرح وسط الضماير
ياعزوتي وشلون نرجي السلاما
وشلون عقبه مانهل العباير
اواااه ياصوتن ماسمع له كلاما!
اواااه ياجرحن غفى بالضماير
سبعة سنين وزاده الغبن عاما
من يوم موتت شيخنا بالجزاير
ياشيخ عقبك كل شمــر يتاما
يتيمتك قصت من اجلك ظفاير
ترثيك دايم والخلايق نياما
تبكي عليك الصبح ليا حل زاير
اواه ياجرحن مضت له اعواما
وشلون يطيب وجروح قلبي غزاير
الصمت يجرح والصدى له ملاما
والدمع في محجر العين حاير
عساك ياللي ماتعرف الحراما
ياللي غدرت بشيخنا بالجزاير
تجيك من ربي المنايا سهاما
عليك يالظالم تدور الدواير
}{المشاركه الثانيه}{
ايا طلال الامير رحيلك يصب الكمد والحزن في قلوبنا
ابن الرشيد الفقيد اعلم انك قرأت قول الله
(وما تدري نفس بأي أرض تموت) وانا تمنيت لك التابوت..!
القصايد .. والخواطر.. والحروف .. قلتها بلسانك الراوي وتناقلها الكبار والصغار
قد أصابها الوهن بفقدك واشتعل رأسها شيبا.
وهي التي كانت قبل أيام تتحرك بين شفتيك شابة يافعة ........
عام نستقبل هلالك بالنوح والعزاء .
لك ياطلال يعتصر الفؤاد لوعة بالفراق.
الفراق..ليل ثقيل..
وهم طويل
ودروب ماتعرف دليل!!!!!
حصل الفراق وكلنا لك اشتياق . اااه ياطلال كلنا بنمشي على نفس المصير
موت.. وكفن .. الفراق.. نار ولهيب..
ودموع في عيون الحبيب .
رحماك يارب العباد ترحم طلال
.
}{المشاركه الثالثه}{
يمكن يضيع الشوق في داخل انسان *** ويمكن يضيع انسان من كثرة منان
ا لشوق لوعة وانتظار و حرمااااان *** لطلال دموع واحساس واحزااااان
الله يعين الروح بقصيدة من انسااان *** اقفى الظلام من رحيل طلال وهجران
وشوق الثرى دسناه في درب الاحزان *** بنيت له بالقلب بيت اشعار من الاحزان
اراهن حياتي بالدنيا عشان انساااان *** حب عفيف وافي وسط جوفي للموت احزان
راح الحلاء من هذااااا الانساااااان *** طلال وااااااااااافي الاشعااااااار حبيب انسان
}{المشاركه الرابعه}{
من يوم رحلت
وحزني ما يفارقني
دمعتي تنزل في غيابك
صورتك بين عيوني
وصوتك يتردد بمسمعي
رحلت وتركت اهلك وناسك
تركت حايل وشمر يا امير شمر
تركت كل شي ورحلت
تركت الحزن بعيون هلك وناسك
}{المشاركه الخامسه}{
من يوم قالو مات سبع الطنايا
ميتة غدر من واحد مثل جساس
ضاقت بي الدنيا وحتى سمايا
ماني مصدق وش يقولون هالناس
يومين ماذقت الطعام وهنايا
وقفلت بابي عقب ماني بمجلاس
وجنبت ربعي وأعتزلت الحكايا
ولاذقت نوم وأصبح الفكر محتاس
هذا طلال ومنزله بين الحنايا
غلاه في قلبي عظيم وله ساس
هذا طلال بمدته يعطي العطايا
ولاينشدك عقب العطا من أي الأجناس
طيبه وصل للمستحق والولايا
يمنى سخية تعطي ولا لها إفلاس
ياعل من دبر وراه الشقايا
يصبح ويمسي بين هم وهوجاس
لكن حمدت الله رب البرايا
هو الحليم وقدرته مالها قياس
الموت حق ولا يعرف المنايا
إلا الذي تسجد له الجن والناس
أدعوك يارباه تمحي الخطايا
للي ترك له بصمةٍ ترفع الراس
هذاك لامني سمعته ورايا
غصبن علي أجيب مرسم وكرَاس
أرسم بها لوحات تشعل غلايا
للضيغمي للشمري طيب الساس
وأسمع شعر وألقى بذوقه شفايا
لجروح قلب شالها اليوم قرناس
وأقفى بعيد وراح بين الخفايا
وشال الهموم وضيقة البال والياس
شعره أصيل ومايعرف الدنايا
بين الفخر والطيب رقة وإحساس
ملتاع شمر للشباب وصبايا
يبقى لهم قمة وعزة ونوماس....
العضو الأكثر نشاطاً هذا اليوم 
العرض العادي
