|
يا كثرهم ليا قلت لك عرفة وجيــه ( قصيدة في المجتمع )
طبعاً هذه القصيدة هي من القصائد التي لها وقع كثير في نفسي وهي لأحد المقربين لي ولن أعلن أسمه لرفضه التام لذلك تقبلوا تحياتي وقرأت ممتعة
يا كثرهم ليا قلت لك عرفة وجيه=ويا قلهم يا قلـت قـدر ومعـزه
رجل تعزه بعد مـا تلتقـي فيـه=ورجل قبل لا تلتقي بـه تعـزه
ورجل ترزه بالمجالـس مباديـه=ورجل فلوسه بالمجالـس تـرزه
ورجل يموت ولا يجيبون طاريه=ورجل يجي طاريه في كل حـزه
ورجل ضعيف يستفـزه معاديـه=ورجل كلام عـداه مـا يستفـزه
ورجل يهزه بعض موقف ويشقيه=ورجل مهو بيات موقـف يهـزه
ورجل تلزه يعترف لـك بخافيـه=ورجل على خافيـه محـد يلـزه
ورجل تكزه لازم انـك توصيـه=ورجل بليا مـا توصيـه كـزه
ورجل يوزونه ويزعـل بنيخيـه=ورجل يزعل من يحـاول يـوزه
من لا فرش للمرجله ما تغطيـه=ومن لا يخز الناس محد يخـزه
اخوكم الفرنسي
|
العضو الأكثر نشاطاً هذا اليوم 
العرض الشجري
