مما راااق لي
لجل الله
لجـل اللـه .. ولجـل الحـب .. ولجل الماضي .. والـحـاضــر
تشوف الحال .. عـذابي طال .. مضـت ايـام .. وانـا صـابر
يمـر اليوم .. وانا مهموم .. يمـر الليل .. وانـا سـاهر
انـا زلـيت .. ومـا ضـنيت .. ذي كـلـمـه .. تكسر الخاطر
طلبت ارضاك .. وابتـرجـاك .. تــرد لــي .. سـامح وعاذر
------------------------------------------------------------
خلوني ابكي
خلوني أبكي ياهلي من غثا البال .. خلوني ابكي واتركوني لحالي
تبكي عيوني لي طرى اللي على البال .. خلٍ مضالي في هواهم ليالي
يا ليل قلبي للهواجيس مدهال .. يلعب بي الهاجوس من كل جالي
الحال حالي يا اهلي صرت في حال .. سبحان منهو بالمخاليق والي
قالوا لي اصبر والصبر فيه حلاّل .. وانا اصبر مالي عليه احتمالي
راعي الهوى لو يثقل الحمل له شال .. يقوله اللي ما درى وش جرالي
--------------------------------------------------------------------------------
الا يالله يا عالم بحالي
الا يا الله يا عالم بحالــــــــــــي 000 كثير الهم عن قلبي تزيلـــــه
خذت مني اليالي اعز غالـــــي 000 تفارقنا ولا باليد حيلـــــــــــه
كفانا الله من شر الــــــــــليالي 000 وياما فرقت خل وخليلـــــه
الا ليت البكا بيرد غالـــــــــــــي 000 لاسيل وادي ما سال سيله
سهرت ايام مع عدّة ليالـــــــي 000 وحالي من سبايبهم عليلـــه
عليّ الوقت يا مشكاي يمالي000 الا يالله عدّل كل ميلــــــــــــه
واصيح صياح من صابه هبالي 000 على اللى نافلٍ بالزين جيلـه
الا يا عين منك عزتالــــــــــــي 000 على الحمى تزيدينه مليلــه
---------------------------------------------------------------------------------
ليه يا حبيب الروح
ليه يا حبيب الروح .. ما ترحم المحزون
في حبكم مجروح .. والناس ما يدرون
يا غايتي ومناي .. اشغلتني وشلون
وانت سبب بلواي .. وانت الدواء المضمون
غيرك فلا لي طب .. ولا دواء بيكون
هذي سواة الحب .. اهله فلا يسلون
لو للهوى حاكم .. يمشي على القانون
ما كنت لي ظالم .. بالهجر يا مزيون
في حبكم راضي .. وانتم علي تخطون
يا ليت به قاضي .. في ما حكم ترضون
---------------------------------------------------------------------------------
الله اكبر كيف يجرحن العيون
كيف مايبرى صويب العين ابد
احسب ان الرمش لاسلهم حنون
اثر رمش العين ما ياوي لاحد
يوم روح لي نظـر عـينه بهون
فـز له قـلبي وصفـق وارتعـد
لـفني مثـل السحـايب والمـزون
فـي عيوني برق وبقلـبي رعـد
نقض جروحي وجدد بي طعون
قلت : يكفي قالت:عيونه بعـد
وانعطف هاك الشعر فوق المتون
وانـثـنى عـوده وقـفى وابـتعـد
اشـغـلتـني نظرة الـعين الـفـتون
حـيـرتـنـي يالــتوعـد والـوعـد
هي تمون العين والا ما تـمـون
لـى خـذت قـلـبي وقـفـت ياسعد
----------------------------------------------------------------------------------
(كفاني عذاب)...
كفاني عذاب الله يجازيك بأفعالك
جرحت الضمير وما طرالك تداويني
مريض المحـبه داه ودواه بـوصالك
الا كيف تبخل وانت نظرتك تشفيني
الا واعذابي كيف ما عاد يهنالك
سوى انك تشوف الموت بيديه يطويني
انا يوم احبك ما تصورت غربالك
ولا قد خطـر في بالي انـك تجافيني
تفرغت لك يا ساكن القلب ابحالك
تقل غيرك من الناس ما هم بحييني
انا قمت اناجي بين الاحلام مرسالك
وزولك حبيبي لو بالاحلام ناسيـني
----------------------------------------------------------------------------------
ماهو صحيح
ماهو صحيح القلب للقب شــــاهد
لو هو صحيح اصبحت مفتون فيني
بيني وبينك حب من قلب واحــــــد
ليته يجيك من الهوى مــــــا يجيني
وليتك تعرف الشوق لى صـــار واجد
وليتك تعرف اوجــــــــــاع كثر الحنين
ما قد شكيت الحـــــــــــر والجو بارد
ولا سهــــــــــرت بليل طول السنين
ولا مشيت العمر والحــــــــــــظ قاعد
ولا تحديــــــــــــــــــــت الألم والونين
أضحك وانــــــا لجروح الأحباب جاحد
أداري المكنون عــــــــــــــن كل عين
ما ودي افرح على القلب حـــــــاسد
والا عذابي فـــــــــــــي عيوني يبين
شي يهون وشي بــــــــــالحيل كايد
يـــــــــــــا كود تجريح الخفوق الحزين
من عـــــــــــــــــانده وقته وقلبه يعاند
مالت به الدنيـــــــــــــــا يسار ويمين
غرتني أمثــــــــــال العرب بالشواهد
يبيك قلبـــــــــي واحسب انك تبيني
--------------------------------------------------------------------------------
قلت من انت؟ وقلت مجموعة إنسان
من كل ضد و ضد تلقين فيني
فيني نهار و ليل و أفراح و أحزان
أضحك و دمعي حايرٍ وسط عيني
فيني بداية وقت و نهاية أزمان
أشتاق باكر و أعطي أمسي حنيني
و أسقي قلوب الناس عشقٍ و ضميان
و أهدي حيارَى الدَّرب و أحتار ويني
و أحاوم صقور الهوا حوم نشوان
و أسيّل الوديان دمعٍ حزيني
في عيني اليمنى من الورد بستان
وفي عيني اليسرى عجاج السنيني
تهزمني النّجلا و أنا ند فرسان
و أخفي طعوني و المحبَّه تبيني
و إن ما عرفتيني فلاني بزعلان
حتَّى أنا تراني أحترت فيني
--------------------------------------------------------------------------------
القسوه
ليـــــــــــــه اذا حبيتك اكثر زدت قسوه
وان دريت بحـــــــاجتي لك زدت جفوه
وان عطيتـــــــــك من حياتي ما تريده
ما كفاك وتحسب ان الحــــــــــب نزوه
والله اني يـــــــــــــا احب الناس احبك
والله ان الروح لــــــــــــــــو ترضيك فدوه
والله انـــــــــــــــــي تارك غيرك وجيتك
مزعل الزعلان والعـــــــــــــــــذال عنوه
كل دقــــــــــــــة قلب فيني لك قصيده
تكفي الدنيا مع الأحبــــــــــــاب غنوه
وكل هاجس مــــــــــا يجيب الا خيالك
سلوتـــــــي بالعمر في صحوه وغفوه
أجمع احساسي وأشواقي واجي لك
والبس ثيــــاب الهوى والعشق كسوه
وانتقي لك مــــــن سواليفي حسنها
والقصــــــــــــــــايد من غزلها كل حلوه
وانثر الضحكات والعبرات عنـــــــــــــدك
تاخذ اللي تلتقي لــــــــــك فيه سلوه
واذكر الله كلما نــــــــــــــاظرت حسنك
اشهد انك فـــــــــوق عرش الزين ذروه
ما قصدت بكل هــــــــــــــــــــذا اتجمل
أو اقــــــــــــول اني احق الناس حظوه
ادري اني عـــــــــــــــادي ما في ميزه
وادري اني كــــــــــــادح ما حاش ثروه
وادري اني في خريـــــف العمر ماضي
مـــــــــــا بقى بيني وبين القبر خطوه
لكن انـــــــــــــــــــي صادق فيما أقوله
واطلب مـــــــــن الله عن الزلات عفوه
--------------------------------------------------------------------------------
اللي توده
إلى منه جفاك اللي تــــــــــودّه
ولا تدري وش الّلي عنك صدّه
تجرّع مالح الـــــــعبرات واصـــبر
ترى كثر الشكاوى مـــــا تردّه
وإلى من الّليالي عوّدت بــــه
تغانم كل فــــــــايت واستردّه
حذار تنشغل بعتــــــــاب خلّك
ترى كثر العتب يمحي المودّه
ليالي العمر لحظاتِ قصـــيرة
ومـا ودّعت منــــــها لا تعدّه
تنهَض مثل صقرِ مـــد شوفه
غداة الصبح روحــه مستهدّه
وإذا حوّل على جول الحباري
تولَّى خربـــــها وإن طار ردّه
ترى الرجَـــــال يثبت للشّدايد
إذا ما هــــدّهـــــا وإلاّ تــــهدّه
--------------------------------------------------------------------------------
التمنــــــي
وإلى مني نسيت الهم ساعه
تحدني همومي واذهلني
واهوجس كن ماحولي جماعه
ودموع العين هلن وافضحني
جروح الحب ماتحتاج اشاعه
وكل ما اخفيت مني يبينني
وانا مالي مرام ولا طماعه
ياكود مشاهد اللي غاب عني
وقلبي لايعه للحب لاعه
ولا لي حيله غير ((التمني))
ولوهي بالبتاعه وذي الشجاعه
اخاطر لو تروح الروح مني
مما رااااق لي
واتمنا يرررقن
لكم
العضو الأكثر نشاطاً هذا اليوم 
العرض العادي
