اعوذ بالله منك .؟!!

السلام عليكم ورحمة الله وبركاته



اقدم لكم قصيدهـ للشاعر / سطــام الشلفــان


لنبحـر معـا في عالـم ابداعـــه




إن كان لك سلطة على الطيف تكفين
................لاعاد يأتيني ليا صرت خالي

طيفك لعب في حسبتي أربع سنين
................إليا سروا ربعي يداهم خيالي

أشيل همه دوم والربع سارين
...............يجيب لي ذكرى تفوق إحتمالي

عاتبت طيفك.. قلت: طيب !! وبعدين ؟
...............أبعد عن اجفوني ومالك ومالي

وأثري جرحته واختفت بسمته لين
...............دمعات عينه أمطرن في خيالي

لحظات شفت الدمع فزيت في حين
...............إلا دموعك يا بعد رآس مالي

رغم الفراق أقسم بربي لهالحين
...............لو شفت دمعك بعت له كل غالي

دمعه في عين الطيف و دمعي على العين
...............ماهلت العبره و ياقربها لي

وركزت أناظر فوق و يسار ويمين
...............وش صابني فزيت شاللي جرالي !

أعوذ بالله من شرور الشياطين
...............ومن طيفك اللي ما تركني بحالي

وأعوذ بالله منك .. شفنا بعيدين !!
...............لا هو سلا طيفك ولا صرت سالي




اتمنى ان تنآل على استحسآنكمـ
لكمـ فآئق الود والاحترآم

الموضوع الأصلي: اعوذ بالله منك .؟!! || الكاتب: " آلـ جــود " || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات