أسترق منه النظر وابعد عيوني بعيد
وان شعر لديت ما كني اقصده بنظر
واخفي اشواقي ولكنها اشواقي تزيد
واتظاهر بأن قلبي اشد من الحجر
وان احاسيسي احاسيس ابرد من جليد
تطفي الاشواق وتجمد احلام الزهر
وانا يسريبي من الحب تيار شديد
ويحترق داخل شراييني الدم الحمر
يوم اشوفك فيه عندي ثلاثه ايام عيد
وفرحتي بك فرحة الجدب برشاش المطر
وفرحة الطير اللي امسى على احظان الجريد
يوم شاف الصبح يلبس جلابيب السفر
لكن اجحد وادعي اني لشوفك ما اريد
وادفن اشواقي واغطي عليها بالكدر
اخشى تجحدني وترجع بعد طوعك عنيد
وتكسب الراحة وانا مكسبي دمع السهر
منقول
العضو الأكثر نشاطاً هذا اليوم 
العرض الشجري
