"شموس" للأمير طلال الرشيد
رائعة من روائع طلال العبدالعزيز الرشيد "رحمه الله"
لم تنشـر بالمجلات ولاعلى شبكة الانتـرنت
ظهور الخيل ياربعي . هل العادات ..يوم الخيل = على الموت الكدو ..ياحلو موت يعطر السيره
هل العادات هذا يومكم والفعل سيد القيل = ترى لسان الوفا بأهل الوفى يحكي اساطيره
بيارقنا شموسٍ تخجل اللي بيرقه قنديل = هنيّ اللي غداله مع هلي ياهل الوفا جيره
بكن جاراتنا يالمعتصم تكفى نبي منديل = بكن .. والموت يرخص .. لجلهن ناطا محاذيره
ألا ياويلهم لامن نخانا شيخنا الحلحيل =عوايدنا ..الى منّا تنخينا جلت حيره
ألا ياويلهم لامن سمعنا للبني تهليل = عوايدنا الى من هللنّ نطيح بالنيره
ألا ياويلهم لامن توادعنا وخف وخف الشيل = عوايدنا الى اخترنا فلا غير الكفن خيره
ألا ياويلهم ..ياويلهم .. ياويلهم ..ياويل = عوايدنا نموت أحرار لجل تعيش هالديره
ترانا من خلقنا ماسكين الشمس دون الليل = ولانرضى الظلام .. الا فقلب الحاسد يثيره
كريمينٍ .. مادام ان الكرم نجر ودلال وهيل = جبابرةٍ.. مدام ان العدو شانت مشاويره
تعذرنا من تراب الوطن ناطاه بالتسهيل = وأخذنا له عهد..ياطا علينا يوم تقديره
الى من دخل وسم الثرى .. يتبع طلوع سهيل = وشحّت مزنة الوسمي ولا حيله بتدبيره
غدى دمع الرجال ..ودمع كل الغيد ..مثل السيل = فلا يظما ثرانا ..لالقينا للمطر عيره
ترى بلادي غرامٍ ماتوفيه السطور الكيل = أعذر الحرف لامنّه لمس حسي بتقصيره
أنا شاعر أخذت اسمي المعاني من لسان الجيل = جمعني معهم الدم الوفى والدين والغيره
العضو الأكثر نشاطاً هذا اليوم 
العرض الشجري
