|
][.. الصمت لي مبدأ وعاده وإلتزام // نايف العجمي ..][
الصمت : لي مبدأ وعآده وألتزام
والله يكفي من البشر وشرورها
والحُب : نبته ما تبي غير أهتمام
أما بتسقآ .. أو تموت جـــذورها
والقلب : يبغى بنت من نسل الكرام
تسكن بوسط الجاش وتبرز دورها
والنفس : صامت بس في غير الصيام
نفسي كذا..ما تسمع إلا شورها
والضيق: غازيني ومن دون إحترام
مع عبرة"ن" تِثِّر علي بعبورها
والجرح: خلَّف جرح مع كسر العظام
ومدامك أنت الكسر فأنت جبورهآ
غيري ينام ويهتني بحلو المنآآآم
وأنا أنتظر للشمس يطــلع نــورها
أدفن جروحك وسط صدري ثم نآآم
مبطي وصدري للجــروح قبورها
مدام ما تعرف حلالٍ من حرام..!
سوّ السواه و لا يهمّك .. جورها
قد ضاق قلبي من ورى ذيك العظام
والناس تضحك تعتلي بسرورها
لاهو بشوقٍ له ..ولا كثرة هيام
بس ضيقةٍ تآآتي .. وتلعب دورها
للشاع’ـر // نايف العجمي 
|
العضو الأكثر نشاطاً هذا اليوم 
العرض الشجري
