[glow1=000000]
[flash=http://www.m5zn.com/uploads/2010/11/28/embed/112810071127tfsy1sr5da.swf]width=0 height=0[/flash]
عهدي بهـا قـدام تلبـس عبايـه
وانا بعد قبل ألبس شمـاغ وعقـال
طفلين نتهجّـى حـروف القرايـه
الله ياماأجمـل سواليـف الاطـفـال
كانت لنا فـي كـل شـارع حكايـه
وكنا نقـول علـوم ماهيـب تنقـال
وكنـت اتقاسـم ما معاهـا معـايـه
من(اسكريم) التوت لعلك ابوريـال
وكانت بعكسي شاطره فـي القرايـه
تقرأ جـزء عـمّ وطـه والانفـال
وأنا لك الله مـن مـواري غبايـه
مدري ابو نقطه هو الـدال اوذال
وكانت لاابوي تشتكي مـن شقايـه
وتعلّمه كيف اربـط البـاب بحبـال
ياما على ظهري كسر من عصايـه
يقول لي : خلّك وأنا ابـوك رجّـال
وامي تقول : ادع لولـدك الهدايـه
خوفي يصيبه كثرة الضرب بهبـال
لاشفتهـا مـع اول الـدرب جايـه
مدري أنا اللي ملت ولاّ الوطا مـال
احسّ قلبي يرتجـف فـي حشايـه
ماكنّـه الاّ الضيـف لاهـزّ فنجـال
ياما عن "ام السعف" تخبّت ورايـه
لا خوفوها فيـه ثـم شافـت ظـلال
تقول : خلّـك يا محمد معايـه
واسّتأنس العب عندها دور الابطـال
وآغار حتّى من عيـون اصدقايـه
لا طالعوها قلت : (( تكفووووون ياعيال))
راقت لي^_^
[/glow1]
العضو الأكثر نشاطاً هذا اليوم 
العرض الشجري
